Ծննդատան աշխատակիցները դեռ պատասխանի են սպասում
Հասարակություն
Արդեն տեղեկացրել էինք, որ Մարալիկի Առողջության կենտրոնի ծննդատան աշխատակիցներն ու բնակիչները փակել են քաղաքի կենտրոնական փողոցը, ինչի արդյունքում դժվարացել է երթևեկությունը: Քաղաքացիների դժգոհության պատճառը ծննդատան փակումն է: Թեմայի շուրջ ԼՈՒՐԵՐ.com-ի թղթակիցը զրուցեց հաստատության տնօրեն Վռամ Մելիքյանի հետ:
«Այս տարի Առողջապահության նախարարության կողմից ֆինանսավորում չի հատկացվել և այս մասին դեռ անցած տարի մեզ ասել էին: Պարզապես մարդիկ սկսեցին դժգոհել, քանի որ չեն ուզում աշխատանքը կորցնել: Փակվելու է ծննդատունը: Նախարարությունից մեզ ասացին, որ բավարար քանակի ծնունդներ չեն լինում մեզ մոտ»,- ասաց նա:
Տնօրենի խոսքով, բոլոր ծննդկանները չէ, որ ցանկանում են իրենց մոտ ծննդաբերել. «Մեզ մոտ միշտ ազատ է եղել և ծննդկանները կամ նրանց ընտանիքի անդամներն իրենք են որոշել, թե որ հիվանդանոց գնան: Մոտակայքում կան նաև Գյումրիի, Արթիկի, Ախուրյանի ծննդատները: Եվ բոլորն էլ ազատ են եղել ընտրության հարցում»:
Նա նաև ասաց, որ ծննդատունը 12 աշխատակից ունի:
Մելիքյանի խոսքով՝ այս պահին ևս մարդիկ բողոքում են, ճանապարհը դեռ փակ է. «Աշխատակիցները նախարարությունից պատասխան են սպասում»:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
