«Ես չեմ ուզում, որ հայը պտուղը փորի մեջ մահանա»․ մարալիկցի ցուցարար
Հասարակություն
«Ես չեմ ուզում, որ հայը պտուղը փորի մեջ մահանա, առանց այն էլ փոքր ազգ ենք»,-այս մասին այսօր լրագրողների հետ զրույցում ասաց Մարալիկի ցուցարար բնակիչներից մեկը։
«100 տարվա ծննդատուն է, ինչո՞ւ են ուզում փակել տանել Լենինական, դրա փոխարեն թող մասնագետ բերեն»,-ասաց ցուցարարը։
Ծննդատան աշխատակիցներից մեկն էլ, դիմելով Փաշինյանին, ասաց․ «Պարոն Փաշինյան արձագանքեք, թող ծննդատունը աշխատի, ժողովուրդը մեղկ է, Գյումրին շատ հեռու է գյուղերից»։
Մեկ այլ ցուցարար մարալիկցի էլ հայտարարեց․ «Առողջապահության մինիստրը դնում սաղ ծախում ա, փողերը դնում ջեբը։ Մարդիկ սոված մեռնում են, հնարավորություն չունեն, աշխատանք չկա, իրանք փախնում են, շենքեր են ծախում, հիվանդանոց են ուզում ծախեն, էս ժողովուրդն ի՞նչ անի, 17 գյուղ է։ էդպիսիներին պետք է Փաշինյանը հանի»։
Հիշեցնենք, որ այսօր Մարալիկ քաղաքի և հարակից գյուղերի մի խումբ բնակիչները փակել էին Գյումրի-Երևան միջպետական մայրուղու մի հատվածը:
Գյուղացիների բողոքի պատճառը առողջապահության նախարարի որոշմամբ 2020 թվականի հունվարի 1-ից Մարալիկի բժշկական ամբուլատորիայի ծննդօգնության ծառայությունների ֆինանսավորման դադարեցումն է:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
