Տղան կախվել է երեխայական անմեղ խաղի ժամանակ. համայնքապետ
Հասարակություն
Հունվարի 5-ին Գեղարքունիքի մարզի գյուղերից մեկում դռան փականից կախված 10-ամյա տղան Մեծ Մասրիկ գյուղից է: ԼՈՒՐԵՐ.com-ի հետ զրույցում դեպքի մանրամասների մասին պատմել է Մեծ Մասրիկ համայնքի ղեկավար Արմեն Ասատրյանը: Նրա տեղեկացմամբ՝ երեխայի հետ դեպքը պատահել է 14-ամյա քրոջ և հարևանի երեխաների հետ դրսում խաղալիս:
«Թելով ու պարանով խաղացել են, թելն ընկել ա դրսի դռան ռուչկին, էրեխեն ղժժացել ա, քուրն ու մերն են հասել օգնության: Մերը թելը կտրել ա, բայց թափով ա կախված էղել երեխան, դրա համար ա ծանր վիճակը»:
Համայնքապետն անձամբ այցելել է երեխայի ծնողներին, դեպքի մանրամասները հենց մայրն է պատմել, վստահեցնում է՝ երեխայական անմեղ խաղն է դեպքի պատճառը, ուրիշ՝ ոչինչ:
«Ես անձամբ ճանաչում եմ էդ մարդկանց, խելոք ապրող մարդիկ են, հերն ա մի քիչ խմող, բայց դա նշանակություն չունի, աշխատող մարդիկ են: Երեխան ա շատ աշխույժ, ակտիվ, վազվզող տղայա»:
Նշենք, որ երեխայի մոտ առաջացել էր շնչահեղձություն և գիտակցության կորուստ: Վարդենիսի ԲԿ-ում առաջին բուժօգնություն ցուցաբերելուց հետո տղային «Սուրբ Աստվածամայր» ԲԿ-ի բժիշկները ռեանիմոբիլով շտապ տեղափոխել էին Երևան:
«Սուրբ Աստվածամայր» ԲԿ-ի մամուլի խոսնակն էլ տեղեկացնում է, որ այսօր երեխան գիտակցության է եկել ու սկսել է շնչել ինքնուրույն: Բժիշկները վիճակը գնահատում են ծանր, բայց կա դրական դինամիկա:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
