Վայքի ոստիկանները չթույլատրված ժամի հրավառություն կազմակերպած անձի են հայտնաբերել (տեսանյութ)

ՀՀ ոստիկանության Վայքի բաժնի ծառայողները, գիշերային ուժեղացված ծառայության ընթացքում հունվարի 2-ի ժամը 23:40-ին հայտնաբերել են Վայքի հրապարակում հրավառություն կազմակերպած մի տղամարդու։

Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, փաստի առթիվ հարուցվել է վարչական վարույթ՝ գիշերային ժամանակ հրագործական արտադրատեսակներ օգտագործելու հատկանիշներով։

«Ոստիկանությունը կրկին հորդորում է պահպանել հասարակական կարգը, լռությունն ու գիշերային անդորրը»,- ասվում է հաղորդագրության մեջ։