ՊԵԿ-ը հրաժարվեց 20, իսկ ԿԳՄՍ-ն՝ 3 ծառայողական ավտոմեքենաներից

ՀՀ կառավարությունն իր այսօրվա՝ հունվարի 9-ի նիստում որոշում կայացրեց, որի համաձայն՝ ՀՀ պետեկամուտների կոմիտեն հրաժարվեց 20, իսկ ԿԳՄՍ նախարարությունը՝ 3 ծառայողական ավտոմեքենաներից։

Որոշումներից մեկի համաձայն՝ ՊԵԿ-ը հրաժարվում է իր հաշվեկշռում գտնվող 20 ծառայողական մեքենաներից, որոնք ամրացվելու են ՀՀ տարածքային կառավարման եւ ենթակառուցվածքների նախարարության պետգույքի կառավարման կոմիտեի հաշվեկշռին։

Որոշման հիմնավորման մեջ նշված է, որ դրանց ընդունման անհրաժեշտությունը պայմանավորված է ծառայողական ավտոմեքենաների թվի օպտիմալացման եւ ֆինանսական միջոցների խնայողության պահանջով։