Երեւանի քննչական վարչության նախկին պետին ձերբակալել են
Իրավունք
ArmDaily.am-ի տեղեկություններով՝ ՀՀ քննչական կոմիտեի Երևանի քննչական վարչության նախկին պետ Ջոն Ֆարխոյանը ձերբակալվել է։ Մեզ հաջողվեց ճշտել նաեւ, որ Ֆարխոյանին ձերբակալել է ԱԱԾ-ն քաղաքաշինության կոմիտեի նախագահ Վահագն Վերմիշյանի գործի շրջանակներում։ Այս պահին տեղեկատվությունը փորձում ենք ճշտել իրավապահ մարմիններից։
ArmDaily.am-ը ավելի վաղ անդրադարձել էր Ջոն Ֆարխոյանի ազատմանը՝ նշելով, որ նրա՝ պետի պաշտոնից ազատելու պատճառը եղել է այն, որ խորհրդակցություններից մեկի ժամանակ ՔԿ ղեկավար Հայկ Գրիգորյանը հանդիմանել է Ֆարխոյանին՝ նշելով, որ քաղաքում գործերի բացահայտման տոկոսը շատ ցածր է, դժգոհ է իր աշխատանքից։
Դրանից հետո Ֆարխոյանն աշխատանքից ազատվեց։ Նրան փոխարինում է նախկին զինդատախազ Գագիկ Ջհանգիրյանի փեսան՝ Անրի Վարդանյանը։
Հիշեցնենք, որ Քաղաքաշինության կոմիտեի նախագահ Վահագն Վերմիշյանը ձերբակալվել էր առանձնապես խոշոր չափի կաշառք ստանալու համար։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
