Ադամանդագործության ոլորտում փորձի փոխանակմանը նվիրված համաժողով
Տնտեսություն
Նոյեմբերի 21-25-ը ՀՀ էկոնոմիկայի նախարարի առաջին տեղակալ Կարինե Մինասյանի գլխավորած պատվիրակությունը մասնակցել է Բոթսվանայի Հանրապետության մայրաքաղաք Գաբորոնեում Համաշխարհային բանկի կողմից «Հյուսիս-Հարավ նախաձեռնության» շրջանակներում կազմակերպված ադամանդագործության ոլորտում փորձի փոխանակմանը նվիրված համաժողովին:
Միջոցառմանը մասնակցել են Բոթսվանայի, Լեսոտոյի, Հայաստանի, Մավրիտիոսի կառավարությունների, ինչպես նաև համաշխարհային ադամանդագործության արդյունաբերությունում հայտնի կազմակերպությունների, մասնավորապես՝ «Դե Բիրս», «Ռոզի Բլյու», «Հարրի Ուինսթոն» և այլ ընկերությունների ներկայացուցիչները:
Համաժողովի ընթացքում քննարկումներ են ծավալվել ադամանդագործության վերամշակման ոլորտում փորձի փոխանակման, ոլորտի զարգացման գործում պետության դերի և նշանակության, ինչպես նաև ադամանդագործության արդյունաբերության համաշխարհային զարգացման դինամիկայի և կանխատեսումների շուրջ:
Հայկական պատվիրակությունը համաժողովին հանդես է եկել հետևյալ առաջարկությամբ. նմանօրինակ միջոցառում կազմակերպել նաև Հայաստանի Հանրապետությունում՝ այդպիսով հնարավորություն ընձեռելով մասնակից երկրների ներկայացուցիչներին տեղում ծանոթանալու հայկական ադամանդագործության ոլորտի ներուժին և կարողություններին:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
