ՆԱՏՕ-ի շրջանակներում Ադրբեջանի և Հայաստանի խաղաղապահ առաքելությունը չափազանց դրական է. Foreign Policy

Ամերիկացի ամենաբարձրաստիճան գործող զինվորականներից մեկը՝  Եվրոպայում տեղակայված ԱՄՆ ուժերի հրամանատար, գեներալ-լեյտենանատ Մարկ Հերթլինգը, Foreign Policy ամսագրում հրապարակված իր հոդվածում նշում է, որ Կովկասը և Թուրքիան կարևոր տարածաշրջաններ են ԱՄՆ-ի շահերի համար։

«Կովկասյան տարածաշրջանը Եվրոպայի և Մերձավոր Արևելքի միջև հակամարտության պատմական գոտի է և շարունակում է մնալ անվտանգության խնդիրների խճճված կծիկ: Էթնիկական լարվածությունը նախկինի նման շարունակում է նպաստել հին տարածաշրջանային վեճերին, տեղահանված մարդիկ դառնում են հզոր սփյուռք, իսկ փոքրամասնությունը հարստանում է տարածաշրջանում առկա նավթի հաշվին, որը ժամանակին հայտնի էր որպես հուսահատ աղքատության վայր»,-նշվում է հոդվածում:

Հաջորդիվ, ինչպես նշում է գեներալը, չնայած ԵԱՀԿ Մինսկի խմբի՝ Լեռնային Ղարաբաղի հակամարտությանը քաղաքական լուծում գտնելու ուղղությամբ ջանքերին, և Ադրբեջանը, և Հայաստանը հիասթափված են մնում քաղաքական լուծման բացակայությունից։ Միաժամանակ, երկու կողմերի ռազմական առաջնորդները հպարտությամբ և անհիմն պնդում են, որ իրենք կարող են արագ լուծել հակամարտությունը։

«Տարածաշրջանը երեք կողմից շրջապատում են Թուրքիան, Իրանը, Ռուսաստանը, և բոլոր այդ գործոնները լրջորեն ազդում են իրավիճակի վրա: Հակամարտությունները այնքան իրական են, որ մի քանի տարի առաջ ԱՄՆ-ի բանակի ուսուցման կենտրոնի կողմից մշակվել են Կովկասի հետ կապված սցենարներ, որոնք օգտագործվել են զինծառայողների վերապատրաստման ժամանակ։ 

Հեթլինգը նաև նշում է, որ եվրոպական հրամանատարության ռազմավարությունն այս ուղղությամբ բերում է իր արդյունքները, և չորս երկրները (Վրաստան, Հայաստան, Ադրբեջան և Թուրքիա) ինտեգրվում են ՆԱՏՕ-ի շրջանակներում Աֆղանստանում և Կոսովոյում խաղաղապահ գործողություններին։ Հոդվածի հեղինակը նշում է, որ Հայաստանը վերջերս պատրաստակամություն է հայտնել ԱՄՆ-ի հրամանատարության ներքո խաղաղապահ ստորաբաժանումներ ուղարկել Կոսովո: Ըստ գեներալի՝ այն փաստը, որ «Հայաստանն ու Ադրբեջանը խաղաղապահ ուժեր ունեն ՆԱՏՕ-ի շրջանակներում, չափազաց դրական է»:

ԱՄՆ-ի՝ Կովկասում շարունականան աջակցության դերը և նշանակությունը մեծ կլինի կայունության պահպանման, հակամարտությունների խաղաղ կարգավորման, ինչպես նաև տարածաշրջանային և գլոբալ անվտանգության համար»,-մեջբերում է Foreign Policy-ն գեներալի խոսքերը։