XXI դարի ինկվիզիցիան և «Pussy Riot»-ի առեղծվածը

XXI դարում Ռուսաստանը վերականգնում է ինկվիզիցիան.. այսպես են մեկնաբանում մի շարք առաջավոր արևմտյան պարբերականները սկանդալային «Pussy Riot» փանք-ռոք խմբի դատավճիռը։

The Wall Street Journal-ը մասնավորապես նշում է, որ սա առաջին դեպքը չէ, երբ «պուտինյան ռեժիմն ընդդիմանում է մտքի ու խղճի ազատության դրսևորմանը»։ Իսկ ինչ վերաբերում է խմբի անդամների դեմ կիրառված պատժամիջոցին,ապա այն հակասում է կատարված հանցագործությանը, իսկ համակարգային չարաշահումներն ակնհայտ են։

«Pussy Riot»-ի դատավարությունն հերթական անգամ ապացուցեց այն, որ պուտինյան ռեժիմը փորձում է արթնացնել պահպանողական և հակաարևմտյան տրամադրություններ՝ նպատակ հետապնդելով լռեցնել «այլախոհական Ռուսաստանին»:
Սակայն այս «քաղաքական կուրսն» ակնհայտորեն կխորացնի հասարակական պառակտման գործընթացը և կհանգեցնի անկանխատեսելի հետևանքների։

Այսպիսով, «զուտ քաղաքական նկատառումներ» հետապնդող այս հերթական «բանսարկու հալածանքների» շղթան ստեղծում է հետևյալ պատկերը.
պուտինյան Կրեմլը հմտորեն օգտագործում է իր լիազորությունները դատական համակարգում ընդդիմախոսների և քաղաքական այլախոհների դեմ պայքարում։

Հիմք ընդունելով ռոքերների դատավճիռը՝ «պուտինյան արդարադատությունը» կասեցնում է պաշտպանության գրեթե բոլոր վկաներին։
Փոխարենը հավանություն է տալիս քրեական հետապնդման վկաներին, որոնք անգամ վանքի տարածքում չեն գտնվել։
Ինչևիցե, այս դատավարությունն առավել «բանսարկու» էր, քան,օրինակ, Խոդորկովսկու և Լեբեդևի դատավարությունների դեպքում էր։
Հ.Գ. Այս և այլ քաղաքական հետապնդումներն ու բանսարկությունները կարող են անհավանական հետևանքների հանգեցնել։