86-ամյա դքսուհին՝ լողափում չարաճճիություն անելիս. Daily Mail (Ֆոտոշարք)

12 ամսից էլ քիչ ժամանակ է անցել Ալբայի հայտնի դքսուհու հեքիաթային ամուսնությունից և արդեն իսկ պարզ է, որ երկուսն էլ որոշել են վայելել իրենց ամուսնության առաջին տարին:

Իսպանական արքայական տոհմի 86-ամյա ներկայացուցիչն ու իր 61-ամյա ամուսին Ալֆոնսո Դիեսն այսօր այցելել են Ֆորմենտերա կղզու լողափ, հայտնում է բրիտանական Daily Mail-ը:

Զույգը, որոնց ուղեկցում էր նրանց ընկերուհին, զովացել է ծովում և վայելել զբոսանքը լողափին: Տիպիկ էքստրավերտ դքսուհին իր ծաղկավոր լողազգեստով, ընկերուհին բալագույն կտրվածքով լողազգեստով և դքսուհու ամուսինը գրավել են բոլորի ուշադրությունը:

Դքսուհին և Դիեսն ամուսնացել են անցած տարվա հոկտեմբերին բազմաթիվ վիճաբանություններից հետո. հարսնացուն՝ էքսցենտրիկ միլիարդատեր, որն ավելի շատ տիտղոսներ ունի, քան Ելիզաբեթ II-ը, իսկ փեսացուն նրա համեմատ 25 տարի երիտասարդ: Դիեսը դքսուհու երրորդ ամուսինն է։

Հարսանիքից առաջ պարզ դարձավ, որ 2 անգամ այրիացած դքսուհին իր 3 միլիարդ ֆունտ սթերլինգի չափով ունեցվածքը բաժանել է իր 6 երեխաների մեջ՝ վեջիններիս համոզելու, որ փեսացուն տարված է իրենով, ոչ թե՝ իր փողերով:

Դքսուհին Ուինսթոն Չերչիլի և Դիանա թագուհու հեռավոր ազգականն է, և Իսպանիայի ամենահայտնի մարդկանցից մեկը:
Անցած տարի նա սեքս սկանդալի կենտրոնում էր, երբ իսպանական Interviu ամսագիրը հրապարակեց դքսուհու 30 տարվա վաղեմություն ունեցող լուսանկարը Իբիցայում՝ առանց վերնազզգեստի արևային լոգանք ընդունելիս:

Իսկ 2011-ին դքսուհին մոտ 250.000 ֆունտի վնաս կրեց մի հեռուստաընկերությունից, որը պնդում էր, որ նա իր առաջին ամուսնուն դավաճանել է ֆլամենկո պարողի հետ:

{gallery}dxuhi{/gallery}