Համեստ հերոս Նեյլ Արմսթրոնգ

Լեգենդար Նեյլ Արմսթրոնգի՝ Լուսին ոտք դրած առաջին տիեզերագնացի վաղաժամ վախճանը դարձավ բազմաթիվ բրիտանական պարբերականների քննարկման ու մեկնաբանությունների թեմա։

Guardian-ը մի ամբողջ էջ է նվիրել լեգենդար տիեզերագնացին՝ տեղադրելով 1969 ի հունիսի 21-ին «Ապոլոն 11» աստղանավի վայրեջքը Լուսնի վրա Արմսթրոնգի հաղորդագրության տեքստը և Արմսթրոնգի լուսնային սաղավարտի լուսանկարը։

Թերթում զետեղված է նաև մի ամբողջ ամփոփագիր այդ պատմական իրադարձության և այն մարդու մասին, ով վերաբերվում էր իր գործին, որպես բնականոն գործունեության և մերժում էր երկրային փառքը։

«Արմսթրոնգը երբեք ձանձրալի տեխնիկ չի եղել, այլ սրամիտ և կրթված մարդ»,-գրում է Guardian-ը։

Այն հարցին, թե ինչն է ստիպում մարդուն ոտք դնել այդ սառը և ամայի Լուսնի վրա, համարվում է դասագրքային. «Մարդու համար դա այնքան բնական է, ինչպես կարմրախայտը ջրում»։

«Արմսթրոնգը երբեք չի թաքցրել իր բացասական վերաբերմունքը  ժամանակակից տիեզերագնացության  զարգացման  նոր ուղությունների վերաբերյալ»,-  գրում է Times-ը։

2010 թվականի  հազվագյուտ հարցազրույցներից մեկում նա քննադատել է նախագահ Օբամայի կողմից ֆինասավորվող Constellation լուսնային ծրագիրը՝ նպատակաուղղված Լուսնի վրա մշտական բազայի ստեղծմանը և Արևային համակարգի հետագա հետազոտություններին։

Խմբագրական մեկնաբանություններում Guardian-ը կասկածի տակ է դնում միլիարդներին համարժեք ժամանակակից լուսնային ճամփորդությունների պիտանելիությունը և այն  համարում է Սառը պատերազմի հերթական փուլ։

«Սակայն, դա ոչ մի կերպ չի կարող փոխել հարգանքն այն մարդու նկատմամբ, ով առաջինը ոտք դրեց Լուսնին։ Նա դրսևորել է էպիկական մասշտաբների հերոսություն»,-հաղորդում է Guardian-ը։