Աշխարհի ամենահարուստ «ստրուկը» Վլադիմիր Պուտինն է

Guardian-ը մի ամբողջ էջ է նվիրել ընդդիմադիրներ Բորիս Նեմցովի ու Լեոնիդ Մարտինյուկի զեկույցին, որում հեղինակները ներկայացնում են, որ Վլադիմիր Պուտինը հարստություն ու արտոնություններ է ձեռք բերել հարկատուների հաշվին։

Նույն թեմայով Daily Telegraph-ը Համաշխարհային իրադարձություններ բաժնում գրել է. «Եթե լսենք Վլադիմիր Պուտինին, ապա նա աշխատում է, «ստրուկի պես», արյուն, ացրունք ու քրտինք է թափում հանուն ռուս ժողովրդի՝ փոխարենը գրեթե ոչինչ չստանալով։ Բայց եթե հավատանք նրա հակառակորդների նոր զեկույցին, ապա հնարավոր է, որ Պուտինը աշխարհի ամենահարուստ «ստրուկն» է։

Նախագահին են պատկանում սպիտակ ոսկու մի մասը, շքեղ ինտերիերով զբոսանավ, նվազագույնը մեկ «թռչող զուգարան» 75 հազար դոլար արժողությամբ ինքնաթիռում։

Ամենալուրջ պատճառներից մեկը, թե ինչու է Պուտինը «այդքան մոլեգին կառչում իշխանությունից, կորցնելով ժողովրդականությունը, հարստության ու շքեղության մթնոլորտն է, որին նա սովորել է 12 տարվա ընթացքում և որից ոչ մի կերպ չի ուզում հրաժարվել»,-ընդդիմադիրների զեկույցից մեջբերում է Guardian-ը։

Պարբերականը նաև գրում է, որ Պուտինը նախագահական լիազորությունները հասցրել է շշմեցուցիչ մասշտաբների։

Զեկույցին հղում տալով՝ Telegraph-ն և Guardian-ը գրում են, որ Պուտինին են պատկանում 20 վիլլա և պալատ, 43 ինքնաթիռից ու 15 ուղղաթիռից կազմված ավիապարկ, 3 միլիարդ արժողությամբ նավատորմ։