Մինսկում բողոքի ցույցերն ավարտվել են․ Ռիա Նովոստի

Իրավիճակը Մինսկում վերադարձավ իշխանությունների վերահսկողությանը, հայտնում է ՌԻԱ Նովոստին: Կալանավորվել են հարյուրավոր ակտիվիստներ, որոնց սպառնում է 8-15 տարվա ազատազրկում։ Ինչպես հայտնի է, Բելառուսում նախագահական ընտրությունների արդյունքներից դժգոհ քաղաքացիները ընտրատեղամասերի փակվելուց հետո բողոքի ցույցեր կազմակերպեցին երկրի մայրաքաղաք Մինսկում։ Ոստիկանները արցունքաբեր գազ, ռետինե փամփուշտներ ու լուսաձայնային նռնակներ կիրառեցին, ցուցարարները պատասխանեցին՝ նրանց վրա դյուրավառ նյութեր, քարեր ու շշեր նետելով։ Բախման արդյունքում բազմաթիվ վիրավորներ կան։ Լրատվամիջոցները նշում էին նաև երկու զոհի մասին, ինչը, սակայն, ավելի ուշ, հերքվեց Բելառուսի ՆԳն֊ի կողմից։ Այժմ Մինսկի փողոցներում իրավիճակը խաղաղ է։  Ուժային կառույցի ներկայացուցիչները լքել են Մինսկի փողոցները։