«Հայփոստ»-ի կողմից նախատեսված ծրագրերն ամբողջությամբ չեն իրականացվել
Տնտեսություն
Դեկտեմբերի 5-ին ՀՀ տրանսպորտի ե կապի նախարար Մանուկ Վարդանյանը եւ «Հայփոստ Թրասթ Մենեջմենթ» փակ բաժնետիրական ընկերության գլխավոր տնօրեն Խուան Պաբլո Գեչիջյանը ստորագրել են 2006թ.-ին կնքված պայմանագրի գործողության ժամկետը 6 ամսով երկարաձգելու մասին Հավատարմագրային կառավարման պայմանագիր:
Նախարարը նշել է, որ «Հայփոստ»-ի կողմից նախատեսված ծրագրերն ամբողջությամբ չեն իրականացվել, մասնավորապես կառավարման 5 տարիների ընթացքում 250 փոստային բաժանմունքներից վերանորոգվել է ընդամենը 84-ը, ներդրվել է ունիվերսալ ծառայությունների մի մասը: Ըստ նախարարի՝ կատարված աշխատանքները բավարար չեն փոստային նորմալ ծառայությունների մատուցման համար:
Մ. Վարդանյանն առաջարկել է փոխել կառավարման ձեւը, ինչը հնարավորություն կտա նոր պայմանագրով ներդրումներ կատարել ոչ միայն «Հայփոստ»-ի շահույթի, այլեւ նոր ներդրումների հաշվին, որի արդյունքում հնարավոր կլինի ունենալ արդիական փոստ` վերանորոգված բաժանմունքներով, ունիվերսալ ծառայությունների ամբողջ ցանկով, ժամանակակից տեխնոլոգիաների ներդրմամբ եւ նոր կադրերի համալրմամբ, հակառակ դեպքում կքննարկվի պայմանագրի կամ վերանայման, կամ` լուծման հարցը:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
