The Daily Mail. «№1 ահաբեկչի» դիակը փոքրիկ աղջիկ է հայտնաբերել

«Ալ-Քաիդա»–ի առաջնորդ Ուսամա Բեն Լադենի մահվան մասին սկանդալային «Դժվար օր» գրքի հեղինակ Մեթ Բիսոնեթը պնդում է, որ «№1 ահաբեկչի» դիակը փոքրիկ աղջիկ է հայտնաբերել, գրում է The Daily Mail-ը:

Գրքի հեղինակը՝ Բեն Լադենի վնասազերծման գործողության անմիջական մասնակիցը, պնդում է, որ երբ նրանք ներխուժել են ահաբեկչի ապաստարանը, նա արդեն վիրավոր էր, իսկ նրա կողքին մի կին էր լալիս: Մինչ մարտիկները լուսանկարում էին դիակը և փորձաքննության համար արյուն էին վերցնում՝ մի փոքրիկ աղջիկ հաստատում է, որ սպանվածը նույն ինքը՝ Ուսամա Բեն Լադենն է:

Նշենք, որ գիրքը, դեռ լույս չտեսած, հասցրել էր գրավել հանրության լայն շերտերի ուշադրությունը, մինչդեռ Պենտագոնը սպառնում է նախկին մարտիկին դատարանով:

Համապատասխան զգուշացումը զետեղված է գրքի հեղինակին ուղղված նամակում, որտեղ մասնավորապես ասվում է հետևյալը. «Հաշվի առնելով ստեղծված իրավիճակը՝ ռազմական ստորաբաժանումը քննարկում է Բիսոնեթին և իր ենթադրյալ համախոհներին ենթարկել պատասխանատվության»: