Ինչպե՞ս հաղթահարել Սիրիայում մոլեգնող հումանիտար ճգնաժամը

Սիրիայում տիրող բարդ իրավիճակին է անդրադարձել Euronews-ը՝ ընդգծելով, որ այդ հարցին դեռևս պատասխան չի տրվել: Ներկայումս Սիրիայում հրատապ օգնության կարիք ունի 2,5 միլիոն սիրիացի: ՄԱԿ-ի տվյալներով՝ կոն‎ֆլիկտի սկզբից ի վեր տեղահանվածների քանակը գերազանցում է միլիոնը, կա ավելի քան 220 հազար փախստական:

ՄԱԿ-ի Անվտանգության խորհրդի նիստը կրկին նշանակալի արդյունքներ չտվեց, իսկ ներքին տեղահանվածների պաշտպանության համար անվտանգության գոտիներ ստեղծելու Թուրքիայի առաջարկը համընդհանուր հավանության չարժանացավ:

Հիշեցնենք, որ Սիրիայի ներսում զինված պայքար է ընթանում կառավարական զորքի և ապստամբների միջև: Ռմբակոծվել են Հալեպ և Հոլմս քաղաքները, ինչպես նաև Զաբալդանիի շրջակայքը: Մեկուկես տարի տևող այս կոն‎ֆլիկտի ընթացքում եղել է ավելի քան 18 հազար զոհ: Արևմուտքը և արաբական մի շարք պետություններ ձգտում են պաշտոնանկ անել Սիրիայի նախագահ Բաշար Ասադին՝ կարծելով, որ դա կդադարեցնի բռնությունները: Միաժամանակ Ռուսաստանը և Չինաստանը նախազգուշացնում են, որ արտաքին ուժերի միջամտությունը Սիրիայի գործերին կբերի կոն‎ֆլիկտի տարածման: