«Մեր նպատակն է ցույց տալ, որ արդյունաբերական և տնտեսական զարգացումը բնապահպանական խնդիրների հետ կոնֆլիկտի մեջ չեն մտնում». Ջեյմս Մ. Ֆորբս

ԳՄՀԸ տարեկան նախաձեռնությունների շրջանակում, դեկտեմբերի 6–ին, Արմենիա–Մարիոթ հյուրանոցում տեղի ունեցավ կազմակերպության հայաստանյան գրասենյակի «Կանաչ Տնտեսություն» խորագրով համաժողովը։ Ի պաշտպանություն «Կանաչ տնտեսության» և շրջակա միջավայրի պահպանման գաղափարի` Գերմանիայի միջազգային համագործակցության ընկերության (ԳՄՀԸ) Հայաստանյան գրասենյակի տնօրեն Ջեյմս Մակբեթ Ֆորբսը և ՀՀ–ում Գերմանիայի Դաշնային Հանրապետության արտակարգ և լիազոր Դեսպան Հանս–Յոխեն Շմիդթը համաժողովի վայր մեկնեցին հեծանիվներով, ում հետ էլ զրուցեց ԼՈՒՐԵՐ.com-ը։

– Ինչո՞ւ հենց հիմա ծագեց նման միջոցառում անելու միտքը։ Եվ ինչո՞ւ հեծանիվներով։

(Պատասխանում է Ջեյմս Մակբեթ Ֆորբսը)

- Երկար պատմություն ունի այս գաղափարի առաջացումը, որովհետև այս տարի ընդհանրապես Գերմանիայի զարգացման ծրագրերը ուղղված են «Կանաչ տնտեսության» խնդիրներին և զարգացմանը։ Մենք ուղղակի «Կանաչ տնտեսության» մասին խոսելիս անպայման մտածեցինք, որ որպես վառ օրինակ դրան կարող է ծառայել այն, որ մենք մեծ ջիպերով չգնանք մեր կոնֆերանսի վայր, այլ՝ հեծանիվներով։ Եվ ես ուրախ եմ, որ շատերը համաձայնեցին այդ գաղափարին և «անդամագրվեցին» դրան։

–2010թ.–ի Հայ–գերմանական համաձայնագրի շրջանակներում նախատեսվում էր վերականգնվող էներգիայի ծրագրերի իրականացում, այսինքն, որքանով ես ձեզ ճիշտ եմ հասկացել, հիդրոէլեկտրոկայանների կառուցում։ Բայց վերջին դեպքերը՝ կապված Թռչկանի հետ, ցույց են տալիս, որ հաճախ բնապահպանական ծրագրերը և (այս դպքում)Գերմանիայի կառավարության ծրագրերը իրար չեն համընկնում։ Այս դեպքում ինչպիսի՞ քայլեր են նախատեսվում։

(Պատասխանում է Ջեյմս Մակբեթ Ֆորբսը)

–Մեր այսօրվա նպատակն է ցույց տալ, որ արդյունաբերական զարգացումը և տնտեսական զարգացումը բնապահպանական խնդիրների հետ կոնֆլիկտի մեջ չեն մտնում։ Դրանք պետք է ձեռք–ձեռքի տված առաջ մղել, և համաձայնեցված ընթացք տալ այդ ամենին։

(Պատասխանում է Գերմանիայի դեսպան Հանս–Յոխեն Շմիդթը)

- Գերմանիայի կառավարությունը՝ KfW(Գերմանական վերակառուցման և զարգացման բանկ) հետ համատեղ, վարկավորում է հիդրոէլեկտրոկայանների կառուցումը, այնպիսիների՝ ինչես օրինակ Որոտանի ՀԷԿ–ը։ Թռչկանի մասով կարող եմ ասել, որ այս ծրագրում որևէ ներգրավվածություն չկա, որովհետև առաջին հերթին մենք քննության ենք առնում, թե որքանով է շինարարությունը խանգարում բնապահպանությանը և բնական ռեսուրսների ճիշտ օգտագործմանը։ Այս մասով մեր մասնակցությունը չկա։ Երեկ GIZ–ի օգնությամբ կազմակերպվեց կոնֆերանս, որում ներառված էին նաև «Կանաչ Տնտեսության» խնդիրները, և ես իմ գովեստի խոսքերն ուղղեցի կառավարությանը, որ ֆինանսներ չտրամադրեց Թռչկանի ՀԷԿ–ի շինարարության համար։ Եվ ես նաև իմ դրական արձագանքն եմ արտահայտել այն բողոքի ակցիային, որ այդ երիտասարդները արեցին։ Ինչպես և ԳՄԻ–ի տնօրենը նշեց, մենք մեշ ուշադրություն ենք դարձնում այն հանգամանքին, թե որքան են համատեղելի արվող ծրագրերը բնապահպանական չափանիշներին համապատասխանում։ Իչպես դուք գիտեք, Քաջարանի հանքաարդյունաբերական ծրագրի մասով ևս մենք, մեծ ֆինանսական ներդրումների հետ գործ ունենալով, առաջին հերթին վերլուծեցինք և փորձեցինք քննարկել և տեսնել, թե որքանով է դա համապատասխանում բնապահպանական, ռեսուրսների խնդիրներին։  Շատ հաջող օրինակ կարող է ծառայել ցեմենտի գործարանը, որի՝ բնապահպանական չափանիշներին համապատասխանելու նպատակով, մենք տեսնում ենք, որ նոր սարքավորումներ են գնվում։ Իսկ ցեմենտի գորարանները սովորաբար մեծ ծավալի մթնոլորտի համար բացասական արտաթորումներ են բաց թողնում։ Կարծում եմ, որ դուք կոնֆերանսին կգաք և մյուս մանրամասներին կտեղեկանաք այնտեղ...