Lufthansa ավիաընկերությունը չեղյալ է հայտարարել շուրջ 300 չվերթ Գերմանիայում

Lufthansa ավիաընկերությունը ուղեկցորդների գործադուլի հետևանքով չեղյալ է հայտարարել շուրջ 300 չվերթ Գերմանիայի ամենամեծ օդանավակայաններում. հաղորդում է РИА Новости-ն` հղում կատարելով ավիաընկերության կայքին: Երեկ ուղեկցորդները գործադուլ են հայտարարել Բեռլինում, ֆրանկֆուրտում և Մյունխենում:

Նման հետևողական ռազմավարությունը կարող է12 ժամով կաթվածահար անել ավիահաղորդակցությունը Գերմանիայում: Եվ քանի որ ինքնաթիռները չվերթներ չեն կատարում, ժամանող ինքնաթիռների կանգառի համար պարզապես տեղ չի լինի: Չվերթների ուշացումներ են սպասվում մինչև չորեքշաբթի երեկո:

Ufo արհմիությունը, որը զբաղվում է ուղեկցորդների կազմակերպմամբ, խոստացել է անժամկետ գործադուլ հայտարարել այն դեպքում, եթե ընկերության ղեկավարությունը ընդառաջ չգնա ուղեկցորդների պահանջներին:

Lufthansa-ի ուղեկցորդները նախորդ ուրբաթ գործադուլ էին հայտարարել Ֆրանկֆուրտի օդանավակայանում: Նրանք պահանջում են աշխատավարձի բարձրացում 5 տոկոսով: 19000 աշխատակիցների աշխատավարձի հետ կապված բանակցությունները Ufo արհմիության և աշխատատուների միջև դեռևս արդյունք չեն տվել:

Lufthansa-ն համաշխարհային ճգնաժամի պայմանններում պատրաստվում է աշխատանքից հեռացնել 3.5 հազար աշխատակցի: Այդ կերպ ընկերությունը երեք տարվա կտրվածքով կտնտեսի 1.5 միլիարդ եվրո: Ծախսերի կրճատման նպատակով Lufthansa-ն մտադրություն ունի բարեփոխել նաև Lufthansa-ի դուստր ընկերություն Germanwings-ը՝ մասնակիորեն այնտեղ տեղափոխելով աշխատակիցների մի մասին՝ ավելի ցածր վարձատրությամբ: