The New York Times. Իրաքի օդային տարածքը վերածվում է դիվանագիտական մարտադաշտի

Իրաքի օդային տարածքը վերածվում է բարդ քաղաքական գործողությունների դաշտի. դա սպառնում է ԱՄՆ-ի և Մերձավոր Արևելքի՝ իր հարևանների հետ ունեցած Իրաքի հարաբերություններին։ Այս մասին է գրում The New York Times պարբերականը։

Այստեղ, իհարկե, բարդ դիվանագիտական շախմատային քայլեր են արվում։ Իրաքը պատմական թշնամանք ունի Իրանի հետ, մինչդեռ Սիրիայի անկումը Իրաքի կողմից դիտվում է որպես մի հանգամանք, որը տարածաշրջանում կուժեղացնի սուննի արաբ և քուրդ հակառակորդներին։ ԱՄՆ-ն այլևս հնարավորություն չունի հեշտությամբ պնդել Իրաքի օդային տարածքի փակման անհրաժեշտության մասին, քանի որ Իրաքում ամերիկյան ինքնաթիռներ չեն մնացել։ Սաուդյան Արաբիան, Քաթարը և Թուրքիան, որոնք ամենաշատն են ձգտում Բաշար Ասադի վարչակարգի անկմանը, Մալիքիի կառավարության հետ սերտ հարաբերություններ չունեն։ ԱՄՆ-ը պայքարում է Սիրիայում ոչ թռիչքային գոտի ստեղծելու դեմ, քանի որ ունի կոնֆլիկտի մեջ ավելի ներգրավվելու մտավախություն, իսկ Իրանը խիստ շահագրգռվածություն ունի պահպանելու Ասադի վարչակարգը։ Եվ Իրանի կողմից Սիրիային զինամթերք մատակարարելու քաղաքականությունը իրականացվում է Իրան-ԱՄՆ ոչ պարզ հարաբերությունների լույսի ներքո։