Le Figaro. Օլանդը փորձում է ջերմացնել հարաբերությունները Քեմերոնի հետ

Նախագահ դառնալուց ի վեր՝ դեպի Լոնդոն կատարած իր երրորդ այցի ժամանակ Ֆրանսիայի նախագահ Ֆրանսուա Օլանդը խուսափել է հարցերից և հայտարարություններից։ Ֆրանսիական հանրապետության նախագահն այնտեղ էր՝ համաձայն իր՝ Լոնդոնում կազմակերպած Պարալիմպիկ խաղերին մասնակցելու խոստման։
Նախագահը շնորհավորել է անգլիացիներին խաղերի հաջող կազմակերպման կապակցությամբ. «Հազվադեպ է Ֆրանսիայի նախագահը ներկա լինում Պարալիմպիկ խաղերին, և հազվադեպ է նա հաճոյախոսություններ անում բրիտանացիներին. ես դա արեցի»,-կատակել է նա։
Քեմերոնի հետ օրվա վերջում հանդիպման ժամանակ նա ողջունել է «խաղերի հաջող ընթացքը»։ «Ես չեմ խոսում այս կամ այն կողմի վաստակած մեդալների մասին…նման բաների մասին խոսելն այլևս ընդունված չէ»,- ավելացրել է նա՝ լիցքաթափելու համար մթնոլորտը։ Այս մրցակցությունում Մեծ Բրիտանիան և Ֆրանսիան կանգնած են դեմ առ դեմ։
Ֆրանսուա Օլանդի ընտրվելուց հետո ֆրանս-բրիտանական հարաբերությունները դանդաղ են ջերմանում։ Քեմերոնը միայն երեսուն րոպե է տրամադրել նախագահ Օլանդին։ Նա միայն ընդհանուր արտահայտություններով է հանդես եկել, լրագրողների կողմից հարցեր չեն հնչել։