The Guardian. Կացնահար մարդասպանի ներումը բարձրացրեց լարվածությունը Կովկասում

The Guardian պարբերականում տեղ է գտել Սիմոն Թիզդալի վերլուծական հոդվածը՝ «Կացնահար մարդասպանի ներումը բարձրացրեց լարվածությունը Կովկասում» վերնագրով, որում մասնավորապես նշվում է. «Պատերազմի տեսիլը Կովկասում կրկին ծագեց այս շաբաթ՝ հաջորդելով Ադրբեջանի կողմից կացնահար մարդասպանին ներում շնորհելուն, ով գլխատեց քնած հայ սպային: Սպիտակ տունը, Ռուսաստանը, ԵՄ-ը և ԵԱՀԿ-ը և բոլորը տեղափոխվեցին դիվանագիտական դաշտ, երբ Հայաստանի նախագահ Սերժ Սարգսյանը կատաղի կերպով նախազգուշացրեց. «Մենք չենք ուզում պատերազմ, բայց եթե մենք ստիպված լինենք, մենք կկռվենք և կհաղթենք»:

Ռամիլ Սաֆարովի հարցը բորբոքել է հասարակական կարծիքը Ադրբեջանում և Հայաստանում: Երկու երկրներն էլ ունեն պատերազմական գործողությունների երկար պատմություն Լեռնային Ղարաբաղի անկլավի շուրջ, որի ընթացքում զոհվեց 30,000 մարդ 1988-94թթ.:
Տագնապը Վաշինգտոնում և Մոսկվայում վերջին վիճաբանության շուրջ կապված է քաղաքական և ռազմավարական քննարկումների հետ:
ԱՄՆ փոխնախագահ Դիք Չեյնիի ջանքերի շնորհիվ Ադրբեջանը այլ պետությունների հետ մեկտեղ դարձել է նավթ մատակարարող խոշոր երկիր Արևմուտքին վերջին տարիներին: ԱՄՆ և բրիտանական ընկերությունները, այդ թվում՝ «Էքսոնմոբիլը» և «Բրիթիշ Փեթրոլիումը», ներդրել են 35մլրդ $ նրա նավթային և գազի ոլորտներում, և երկրի կարևորությունը աճել է Արաբական գարնան ժամանակ ստեղծված խառնաշփոթի ընթացքում:

Մինչդեռ ՆԱՏՕ-ն օգտագործում է Ադրբեջանի օդանավակայնները՝ Աֆղանստանզենք ու զինամթերք տեղափոխելու: Նավթի ֆինանսական վաճառքներից եկող Ադրբեջանի ռազմական ծախսերը սպասվում է, որ կհասնեն 3.6 մլրդ $ այս տարի:
Արևմտամետ Ադրբեջանի տեղաբաշխումը Կասպյան ավազանում դարձրել է այն կարևոր խաղացող Օբամայի վարչակազմի չհայատարարած պատերազմում Իրանի շուրջ:

Իրանի հյուսիսարևմտյան մասում ապրում են մինչև 20 մլն էթնիկ ազերիներ, և որոշ ազերի քաղաքական գործիչներ կոչում են այն «Հարավային Ադրբեջան»: ԿՀՎ բանսարկուների համար, ովքեր մտադրված են ապակայունացնելու Թեհրանի վարչակարգը, հնարքի պոտենցիալը հսկայական է:

Քիչ հարուստ Հայաստանը ևս ունի ռազմավարական նշանակություն և հզոր աջակիցներ: Ռուսաստանը զենքերի խոշոր մատակարար է, ռազմական բազաներ ունի Հայսատանում ՝ ՆԱՏՕ-ի անդամ Թուրքիայի հետ սահմանի մոտ և վերահսկում է երկրի օդային պաշտպանությունը:
Հունիսին հայտարարվեց, որ Ռուսաստանը կրկնապատկելու է իր անձնակազմը Գյումրիի իր բազայում, որի վարձակալությունը երկարաձգվել է մինչև 2044թ.: Գյումրին ռուսական С-300 համալիրների և МиГ-29 ռմբակոծիչների տունն է: Իրանը նաև կանգնած է Հայաստանի կողքին՝ ընդդեմ Ադրբեջանի:

Այնուհետև եղավ մի փոքր անակնկալ, երբ ներում շնորհվեց մարդասպան Սաֆարովին, երբ նա վերադարձավ Բաքու, նրա խրախուսումը, 8 տարվա աշխատավարձը և Հայաստանի բարկացած արձագանքը առաջացրել են տագնապի նշաններ բարձր մակարդակի վրա: Սաֆարովի գործը դեռևս ավարտված չէ: Սա սթափ հիշեցում է, որ «սառեցված կոնֆլիկտները», որ մնացել են սառը պատերազմից, կարող են և կբոցավառվեն շատ մեծ արագությամբ, եթե անտարբերության մատնվեն շատ երկար ժամանակ»: