Մարտունու քահանա Տեր Սիմոնի նկատմամբ հարձակում են կատարել. Վահագն Չախալյան
Բլոգոսֆերա
«Կամք» նախաձեռնության համահիմնադիր Վահագն Չախալյանը ֆեյսբուքյան իր էջում գրել է.
«Հրավիրում եմ լրագրողների, գիտակից քաղաքացիների ուշադրությունը
Քանի դեռ ադրբեջանցիներն արգելում են հայ հոգևորականների մուտքը Դադինավք և այլ բռնազավթած հայ առաքելական եկեղեցիներ, զուգահեռ ՀՀ իշխանություններն իրենց աղանդավորների և անաստվածների միջոցով նույն հայ հոգևորականին արգելում են մտնել արդեն Մարտունիի եկեղեցի:
Այսօր տարօրինակ միջադեպ է եղել: Իմ տեղեկություններով մի խումբ անձինք Նոր Գետաշենի գյուղապետի հրահրմամբ Մարտունու քահանա Տեր Սիմոնի նկատմամբ հարձակում են կատարել՝ քահանայի հայամետ և դավաճաններին հակա կեցվածքի համար: Այնքան են լկտիացել, որ փակել են նույնիսկ Մարտունու եկեղեցու դուռը: Այսպիսի զազրելի արարք իրեն թույլ կտային միայն աղանդավորները, քանի որ հայ եկեղեցու հետևորդները չէին կարող քահանայի տեսակետի համար բորենիների նման հարձակվել նրա վրա: Խոսքը այն քահանայի մասին է, որի որդին պատերազմի ժամանակ իր հոգևոր ծառայությունը Եղնիկներում է անցկացրել և պաշտպանել է մեր սահմանները, այլև տասնյակ վիրավորներ զինվորների առաջին օգնություն է ցուցաբերել և հասցրել է հիվանդանոց, փրկելով նրանց կյանքեր»:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
