Ուզում ես մասնակցել գործադուլի՞ն, քեզ սպառնո՞ւմ են, զանգահարի'ր այս հեռախոսահամարներով. Կոչուբաեւ

Փաստաբան Ալեքսանդր Կոչուբաևը ֆեյսբուքյան իր էջում գրել է.

«Հարգելի՛ հայրենակիցներ,

ՀՀ կառավարական տանը նստած քաղցկեղից ազատվելու պայքարը թևակոխում է վճռական փուլ։

Այսօրվանից մեկնարկում են զանգվածային անհնազանդության ակցիաները, այդ թվում նաև գործադուլները։ Ցավոք, իշխանական խմբավորումը  և նրա պարագլուխը անում են ամեն ինչ իրենց իշխանության կյանքը ևս մեկ օր երկարացնելու համար։ Այսօրվանից ՀՀ-ում հայտարարված է գործադուլ։ Մեզ են փոխանցվում տեղեկություններ, որ պետական և մասնավոր սեկտորի ղեկավարները իրենց աշխատակիցներին սպառնում են աշխատանքից ազատել, եթե նրանք մասնակցեն գործադուլին։

Ինքնին գործադուլին մասնակցելուն կամ մասնակցելուց հրաժարվելու հարկադրելը  քրեորեն հետապնդելի է։ Մենք ձևավորել ենք մոնիթորինգի խումբ, որը զբաղվում է նմանատիպ տեղեկությունների հավաքագրմամբ։ Հավաքագրումից հետո հետևելու են կոնկրետ քրեադատավարական ընթացակարգեր։ Պաշտոնատար անձանց համար դա նաև ՀՀ քրեական օրենսգրքով նախատեսված լիազորությունների չարաշահում և անցում է, մասնավոր սեկտորի համար գործադուլին մասնակցելուն կամ մասնակցելուց հրաժարվելու հարկադրելը։

Սիրելի՛ հայրենակիցներ, եթե ձեզ սպառնալիքի ազդեցության տակ ստիպում են ձեռնպահ մնալ գործադուլին մասնակցելուց՝ խնդրում եմ անհապաղ կապ հաստատել մեր ձևավորած մոնիթորինգի խմբի հետ՝ ստորև բերված հեռախոսահամարներով՝

011522501-Կոնտրա լեգեմ փաստաբանական գրասենյակ,

094921615- մոնիթորինգի խումբ,

կամ գրել

Contra.am, [email protected], [email protected] էլեկտրոնային փոստերին։

Տեղեկատվությունը հայտնած անձանց գաղտնիությունը երաշխավորված է փաստաբանական գաղտնիքով։

Ձեզ տրամադրված իրավաբանական օգնությունը լինելու է ԱՆՎՃԱՐ