The Associated Press. Խորը հակասություններ Վաշինգտոնի և Մոսկվայի միջև
Համաշխարհային Մամուլ
Ինչպես փոխանցում է The Associated Press-ը, ԱՄՆ պետքարտուղար Հիլարի Քլինթոնը կիրակի օրը հայտարարել է, որ խորը հակասություններ կան Ռուսաստանի միջև Սիրիայի ճգնաժամի կարգավորման հարցի շուրջ, ասելով, որ ինքը կշարունակի համոզել Մոսկվային՝ միանալ Սիրիայի նախագահ Բաշար Ասադի վրա գործադրվող միջազգային ճնշմանը։
«Միացյալ Նահանգները համաձայն չեն Ռուսաստանի՝ Սիրիայի հետ կապված դիրքորոշման հետ»,- ասել է նա լրագրողներին ամենամյա Ասիա-Խաղաղօվկիանոսյան տնտեսական համագործակցության ֆորումի ավարտին կազմակերպված մամլո ասուլիսի ժամանակ: «Մենք պետք է մեծացնենք Ասադի վարչակարգի վրա գործադրվող ճնշումը՝ արյունահեղությանը վերջ դնելու և երկրում ժողովրդավարական վարչակարգի հաստատման համար»,– ավելացրել է ԱՄՆ պետքարտուղարը:
ԱՄՆ վարչակազմը հույս ունի ճնշում գործադրել Ասադի վրա ՄԱԿ-ի Գլխավոր Ասամբլեայի հաջորդ նիստում և ներկայացնել պատժամիջոցների նոր բանաձև: Հիշեցնենք, որ Ռուսաստանն ու Չինաստանը մերժել էին նախորդ 3 նմանատիպ բանաձևերի ընդունումը:
«Մեր ամերիկացի գործընկերները հակված են սպառնալ և ճնշում գործադրել, նորանոր պատժամիջոցներ կիրառել Սիրիայի և Իրանի նկատմամբ: Ռուսաստանը հիմնավորապես դեմ է նման գործելաոճի, քանի որ խնդիրներ լուծելու համար անհրաժեշտ է այդ երկրներին ընդգրկել քննարկումների մեջ, այլ ոչ թե մեկուսացնել»,– հայտարարել է ՌԴ ԱԳՆ ղեկավար Սերգեյ Լավրովը:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
