The New York Times: Սիրիան քննադատում է Ֆրանսիային՝ ապստամբներին աջակցելու համար

Սիրիական կառավարությունը կիրակի մեղադրել է Ֆրանսիային «շիզոֆրենիայի» մեջ՝ ապստամբությանը մասնակից զինված խմբավորումներին օգնություն ցույց տալու համար, գրում է The New York Times-ը։ Միևնույն ժամանակ, ապստամբների կողմից վերահսկվող հիվանդանոցից վերադարձած ֆրանսիացի մի բժիշկ հայտարարել է, որ Սիրիայում դեռևս շատ են իսլամիստ ռազմիկները՝ վերականգնելով Արևմուտքի այն մտավախությունները, որոնք ետ պահեցին նրան ապստամբներին ավելի ուժեղացված օգնություն ցույց տալուց։

«Իսկապես զարմանալի բան է. նրանք ուղղակիորեն ասում են, որ շահագրգռված չեն Ասադի անկմամբ, բայց մտածում են, թե ինչպես են զավթելու իշխանությունը և Սիրիայում շարիաթի կանոններ հաստատելու»,- ասել է 71-ամյա վիրաբույժը։

Մինչ մարտերը շարունակվում էին, սիրիական զիվորականները փակվել էին Յարմուքի փախստականների նախկին ճամբարում, որպեսզի ապստամբներին դուրս մղեն Դամասկոսի արվարձաններից։ Կառավարական զորքերը զրահամեքենաներով վնասել էին ընդդիմադիրների ամրությունները։

Օրեր անց ֆրանսիական կառավարությունը հայտնել էր, որ մտադիր է մարդասիրական օգնություն ցուցաբերել սիրիական հինգ քաղաքները վերահսկող ապստամբներին։

Ասադի կառավարությունն իր աջակցությունն էր հայտնել Քոֆի Անանի՝ խաղաղ նպատակներով արված նմանատիպ առաջարկությանը, բայց դա որևէ արդյունք չէր ունեցել։ Քոֆի Անանը լքել էր Սիրիան շփոթմունքի մեջ։ Դրանից հետո Ասադի կառավարությունը հրաժարվել էր ցանկացած բանակացություններից ապստամբների հետ՝ համարելով նրանց օտարերկրյա գործակալներ։