Le Figaro. Պայթյուններ Կորսիկայում

Ֆրանսիական Կորսիկա կղզում անհայտ անձինք ռումբեր են պայթեցրել յոթ մեծ սուպերմարկետների մոտ։ Հարձակումը իրականացվել է երկուշաբթի օրվա լույս առավոտյան. հայտնում է Le Figaro-ն։

Պարբերականի տվյալներով՝ պայթյունների արդյունքում զոհեր չեն եղել։ Սուպերմարկետների շենքերը ևս զգալի վնաս չեն կրել։

Ֆրանսիական ոստիկանությունը միջադեպի գործով սկսել է հետաքննություն։ Պայթյունների հեղինակները և դրդապատճառները դեռևս հայտնի չեն։

Նշենք, որ Կորսիկան համարվում է Ֆրանսիայի՝ սուպերմարկետներով ամենահարուստ շրջանը, ինչին դեմ են որոշ ազգայնամոլական կուսակցություններ և Կորսիկայի ազատագրման ազգային ճակատի անդամները։

Իդեպ, պայթյունը տեղի է ունեցել Կորսիկայի ազատագրման ազգային ճակատի ներսում պառակտումից մի քանի օր անց։