Թրամփը ներում է շնորհել 73 բանտարկյալի

ԱՄՆ նախագահ Դոնալդ Թրամփը ներում է շնորհել 73 մարդու և կրճատել պատժաչափերը 70-ի համար: Այս մասին հայտնում է Սպիտակ տան մամուլի ծառայությունը: Ցուցակում ներառված են ամերիկացի առաջնորդի նախկին խորհրդական Սթիվեն Բանոնը, Հանրապետական ​​կուսակցության քաղաքական խորհրդական Փոլ Էրիքսոնը, Google-ի նախկին ինժեներ Էնթոնի Լևանդովսկին, ով դատապարտվել էր ազատազրկման՝ Google-ի մասին տեղեկությունները գողանալու և մրցակիցներին փոխանցելու համար: ԱՄՆ-ում նախագահի ներումը բողոքարկման ենթակա չէ: Շատ նախագահներ օգտագործել են այս լիազորությունները դատապարտյալներից, այդ թվում՝ նրանց քաղաքական աջակիցներից հետապնդումները վերացնելու համար: Ներումը նախագահի պարտականություններից մեկն է, որը նա պետք է կատարի մինչ իր լիազորությունների ավարտը: Թրամփը սկսեց ներում շնորհել նույնիսկ Սուրբ ծննդյան արձակուրդներից առաջ: Այնուամենայնիվ, գործընթացը հետաձգվեց մինչև հունվարի 6-ը, երբ Կապիտոլիումում անկարգություններ սկսվեցին ընտրությունների արդյունքների հաստատման ժամանակ: