Le Monde. Սիրիայի գործով Մոսկվայի ուշագրավ առաջարկը

Ռուսաստանը առաջարկում է կազմակերպել համագումար, որը կլոր սեղանի շուրջ կհամախմբի սիրիական «կոնֆլիկտի բոլոր դերակատարներին»՝ ընդդիմության և իշխանության և տարբեր կրոնական համայքների ներկայացուցիչներին. հայտարարել է Ռուսաստանի արտաքին գործերի փոխնախարարը Le Figaro-ի հետ հարցազրույցում։

«Մենք մեր արևելյան գործընկերներին առաջարկում ենք 1990 թվականին Լիբանանում քաղաքացիական պատերազմին վերջ տված համագումարի նման համագումար կազմակերպել։ Այն կլոր սեղանի շուրջ կհամախմբի ընդդիմության և իշխանության, ինչպես նաև՝ քրիստոնեական և մյուս կրոնական համայքների ներկայացուցիչներին»,- հայտարարել է Միխայիլ Բոգդանովը։ «Համագումարը ճգնաժամից խաղաղ դուրս գալու նպատակ պիտի ունենա»,-ասել է նա։

Նշենք, որ հունիսին ՄԱԿ-ի ԱԽ հինգ անդամներին համախմբող գործողությունների խմբի, ինպես նաև Թուրքիայի և Արաբական պետությունների լիգայի կողմից ստորագրված Ժնևի համաձայնագիրը «ներկայումս սեղանին դրված միակ ճանապարհային քարտեզն է»։
Դամասկոսի հավատարիմ դաշնակից Ռուսաստանը շաբաթ հայտարարել է, որ ՄԱԿ-ի ԱԽ-ում աշխատանքներ է տանելու Ժնևի համաձայնագրի ընդունման ուղղությամբ։
Ըստ Բոգդանովի՝ «վարչակարգի դիրքերը դեռևս ամուր են» և «բնակչության մոտ մեծ ժողովրդականություն են վայելում»։ «Մենք երբեք չենք ասել, որ Ասադի՝ իշխանությունը պահպանելու հանգամանքը պարտադիր պայման է բանակցությունների համար։ Մենք ասում ենք, որ ռուսների և ֆրանսիացիների գործը չէ սիրիական նախագահի փոխարեն որոշումների ընդունումը»։