The Washington Post. Հրապարակել են աշխարհում 100 ամենավտանգված կենդանիների, բույսերի և սնկերի ցուցակը

Միջազգային բնապահպանական խմբերը հրապարակել են երկրագնդի 100 ամենավտանգված կենդանիների, բույսերի և սնկերի ցուցակը՝ նշելով, որ անհապաղ միջոցառումներ են անհրաժեշտ՝ նրանց պաշտպանելու համար։

Կենդանիների, բույսերի և սնկերի տարատեսակները սփռված են աշխարհի 48 պետություններում։ Լոնդոնի կենդանաբանական միությունը և Բնապահպանության միջազգային միությունը մտավախություն ունեն, որ այդ 100 տարատեսակները կարող են ոչնչանալ, քանի որ մարդկությանը նշանակալի օգուտ չեն տալիս։

Փորձագետներն ասում են, որ նշանակետային հատուկ միջոցառումները ամեն դեպքում կկարողանան փրկել վտանգված տարատեսակները։