Միխայիլ Գալուստյան. Ես վաստակում եմ ավելին, քան այդ մասին գրում են

Դերասան Միխայիլ Գալուստյանը, ըստ Forbes-ի, հայտնվել է երկրի ամենահարուստ 50 անձանց ցուցակում՝ տարեկան աշխատելով 2,5 մլն-ից ավելի գումար:

Այս մասին ռուսական «Комсомольская правда»-ին տված հարցազրույցում դերասանը կեսկատակ ասել է, որ չհավատան Forbes-ին. «Մի՛ հավատացեք այն ամենին, ինչ գրում է Forbes-ը: Ես ավելի շատ եմ վաստակում (ծիծաղում է): Իհարկե, մի կողմից ինձ հաճելի է շատ կարողություն ունեցող մարդկանց շարքերում լինել: Մյուս կողմից՝ հիմա փողերը շռայլելեու ժամանակը չէ, որպեսզի Forbes-ում հայտնվեմ: Ամբողջ կյանքում ես ինձ համարել եմ ոչ թե հասարակության մարդ, այլ հենց ես եմ հասարակությունը: Ես սովորական, հասարակ ընտանիք ունեցող տղամարդ եմ»: 

Ի դեպ, ինչ վերաբերում է ընտանիքին, ապա դերասանը հորն ուղարկել է թոշակի. «Ես նրան ասացի հանգստացի, գնա որսի, ձկնորսության, ընկերների հետ շախմատ խաղա, նարդի, իսկ ես կաշխատեմ, և դա բավարար է մեր ընտանիքի համար»:

Լրագրողը հետաքրքրվել է՝ արդյոք դերասանը անձնական պրոդյուսերական կենտրոնը բացել է կարգավիճակի բարձացմա՞ն համար: Իսկ Միխայիլը անկեղծորեն պատասխանել է, որ այն, նախևառաջ, իր սիրելի գործով զբաղվելու համար է. «Ես կենտրորնին շատ ժամանակ եմ տրամադրում, բայց ստեղծել եմ այն, որպեսզի հենց դերասանությամբ զբաղվեմ: Քանի որ երբ ինձ հրավիրում են նկարահանման, իսկ ինձ դուր չի գալիս այս կամ այն դրվագը, կամ խոսքը, ինձ հիշեցնում են, որ ես դերասան եմ և իրավունք չունեմ ղեկավարելու: Իսկ դերը կարող է շատ լավը լինել, ու չեմ ուզում փոքր պատճառի համար հրաժարվել դրանից:

Իմ սեփական ընկերությունում ես կարող եմ անել ինչ ցանկանամ. թե ուզենամ, սցենարում կրճատում կանեմ, կամ կերկարացնեմ: Ես եմ ընտրում դերասաններին, ինքս եմ նկարահանում, վաճառում և խաղում: