International Herald Tribune. Հարձակումը Լիբիայում նոր մարտահրավեր է ԱՄՆ-ի համար

Երեկ Լիբիայում հարձակում էր տեղի ունեցել ԱՄՆ-ի դեսպանատան վրա, ինչի հետևանքով զոհվել էր ԱՄՆ-ի դեսպանը և դեսպանատան երեք այլ աշխատակիցներ։

Ամերկյան և եվրոպական պաշտոնյաները նշել են, որ մինչ հարձակման մանրամասները պարզաբանման ընթացքում են, ակնհայտ է, որ հարձակվողները լավ կազմակերպված են եղել, մարզված և լավ զինված, և նրանց գործողությունները նախապես ծրագրված բնույթ էին կրում։ Պաշտոնյաները, սակայն, դեռ վաղ են համարել պնդել, որ հարձակումը կապված է եղել սեպտեմբերի 11-ի տարելիցի հետ։

Նախագահ Օբաման մեղադրել է մարդասպաններին, խոստանալով, որ հարձակվողները պատասխանատվության կենթարկվեն։ Օբաման կարգադրել է նաև ուժեղացնել ամերիկյան դիվանագիտական հաստատությունների անվտանգությունը։ ԱՄՆ ղեկավարությունը 50 սպա է ուղարկել Լիբիայի մայրաքաղաք Տրիպոլի՝ հորդորելով ամերիկացիներին չճանապարհորդել դեպի Լիբիա։ Պենտագոնի բարձրաստիճան պաշտոնյաներից մեկն ասել է, որ Լիբիայի ափերին է մոտեցել երկու ամերիկյան ռազմանավ՝ որպես նախազգուշացում։

«Համոզված եղե՛ք, որ մենք աշխատելու ենք լիբիական կառավարության հետ և պատասխանատվության ենք ենթարկելու նրանց, ովքեր հարձակվել են մեր քաղաքացիների վրա»,-ասել է Բարաք Օբաման։

Տրիպոլիում Լիբիայի ղեկավարները խոստացել են հետապնդել հարձակվողներին և ընդգծել են այս հարցում ԱՄՆ-ի հետ իրենց համերաշխությունը։