Guardian. Հակաիսլամական բողոքի ալիքը հասել է Լոնդոն

Հակաիսլամական բողոքի ալիքը հասել է Մեծ Բրիտանիա. այդ մասին հայտնում է Guardian-ը: Ավելի քան 1000 մարդ է հավաքվել Լոնդոնում Ամերիկայի դեսպանատան դիմաց:

Հարյուրավոր մարդիկ, ովքեր իրենց համարում են «Հիզբ ալ Թահրիր» կուսակցության անդամ, որի նպատակն է վերականգնել արաբական միասնական խալիֆայությունը, հավաքվել էին դեսպանատան դիմաց միտինգի սկսվելուց բավականին առաջ:

Բողոքի հիմնական պատճառը «Մուսուլմանների անմեղություն» ֆիլմն է, սակայն պաստառներից շատերը ակնհայտ հակաամերիկյան բնույթ էին կրում՝ արտահայտելով նմանօրինակ մտքեր՝ «Ամերիկա՛, հեռացի՛ր իսլամական հողերից»:

Կուսակցության մամլո քարտուղար Նազրին հայտնել է, թե ինչու են ցույցերը կազմակերպվում հենց ԱՄՆ-ի դեսպանատան դիմաց, չնայած այն բանին, որ ԱՄՆ-ի կառավարությունը ոչ մի կապ չունի այդ ֆիլմի նկարահանման աշխատանքների հետ և բազմիցս քննադատել է ֆիլմը:

Նա հայտարարել է. «Այդ ֆիլմը նկարահանվել է, ցուցադրվել և չի արգելվել ԱՄՆ-ում և համապատասխանում է այդ երկում տիրող տրամադրություններին»:

Daily Telegraph-ը հայտնում է, որ ցույցն ընդհանուր առմամբ անցել է խաղաղ, չնայած այն բանին, որ ցուցարարներն այրել են Ամերիկայի և Իսրայելի դրոշները: