Der Spiegel. Ճապոնա-չինական հակասությունների արդյունքում ցուցարարներն այրել են Toyota-ի ավտոսրահը։

Հարավչինական ծովի կղզեախմբի շուրջ Ճապոնիայի և Չինաստանի միջև պայքարը սպառնում է վերածվել տնտեսական պատերազմի։ Զանգվածային անկարգությունների պատճառով էլեկտատեխնիկա արտադրող ճապոնական ընկերություններից ոմանք դադարեցնում են իրենց գործունեությունը Չինաստանում։ 

Չինացիների զայրույթն այժմ ուղղվել է ճապոնական գործարարների դեմ։ Այդ պատճառով ճապոնական էլեկտրատեխնիկա արտադրող ընկերություններն առայժմ փակել են իրենց գործարանները Չինաստանում։ Չինական լրատվամիջոցները երկուշաբթի սպառնացել են Ճապոնիային նոր «կորուսյալ տասնամյակ»-ով (1990-2000թթ.), երբ Ճապոնիայի տնտեսությունը լճացման մեջ էր, և տնտեսական հարաբերություններն անկում էին ապրում։

Անկարգությունները ծայր էին առել այս հանգստյան օրերին Պեկինում Ճապոնիայի դեսպանատան վրա հարձակումով։ Ցուցարարները հարձակվել են նաև ճապոնական Toyota ավտոսրահի վրա և այրել այն, որից հետո ցույցերի պատճառով ճապոնական Canon և Panasonic ընկերությունները նախազգուշական նկատառումներով մինչև սեպտեմբերի 18-ը փակել են իրենց գործարանները Չինաստանում։