Բանկերը տրամադրել են 29.6 մլրդ դրամի վարկ

Արտարժույթի ներբանկային շուկայում բանկերի կողմից դեկտեմբերի 5-9 ընկած ժամանակահատվածում գնվել է 76 մլն 853 հազար 658 ԱՄՆ դոլար՝ 382.45 դրամ ԱՄՆ մեկ դոլարի դիմաց՝ միջին փոխարժեքով: Նույն ժամանակահատվածում վաճառվել 97 մլն 19 հազար 103 ԱՄՆ դոլար՝ 383.62 դրամ ԱՄՆ մեկ դոլարի դիմաց՝ միջին փոխարժեքով:

«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ–ում այդ ժամանակահատվածում իրականացվել է 13 մլն 600 հազար ԱՄՆ դոլարի առք և վաճառք՝ 383.50 դրամ մեկ ԱՄՆ դոլարի դիմաց՝ միջին փոխարժեքով: Միջբանկային շուկայում իրականացվել է նաև 1 մլն 335 հազար ԱՄՆ դոլարի առք և վաճառք՝ 383.59 դրամ մեկ ԱՄՆ դոլարի դիմաց՝ միջին փոխարժեքով:

Դեկտեմբերի 5-9–ը բանկերի կողմից գնվել է 7 մլն 151 հազար 13 եվրո՝ 510.81 դրամ մեկ եվրոյի դիմաց՝ միջին փոխարժեքով, և վաճառվել 10 մլն 869 հազար 198 եվրո՝ 516.16 դրամ մեկ եվրոյի դիմաց՝ միջին փոխարժեքով: «ՆԱՍԴԱՔ ՕԷՄԵՔՍ ԱՐՄԵՆԻԱ»–ում նշված ժամանակահատվածում գործարք չի իրականացվել:

Արտարժույթի ներբանկային շուկայում բանկերի կողմից գնվել է 559 մլն 385 հազար 437 ՌԴ ռուբլի՝ 12.07 դրամ մեկ ռուբլու դիմաց՝ միջին փոխարժեքով, և վաճառվել 112 մլն 782 հազար 969 ՌԴ ռուբլի՝ 12.27 դրամ մեկ ռուբլու դիմաց՝ միջին փոխարժեքով: «ՆԱՍԴԱՔ ՕԷՄԵՔՍ ԱՐՄԵՆԻԱ»–ում այդ ընթացքում գործարք չի իրականացվել:

Նոյեմբերի 28-ից դեկտեմբերի 4-ն ընկած ժամանակահատվածում բանկերի կողմից դրամով տրամադրված վարկերի ծավալը կազմել է 29.6 մլրդ դրամ, իսկ ԱՄՆ դոլարով տրամադրված վարկերի ծավալը՝ 66.6 մլն ԱՄՆ։