Հայկական և թուրքական ընկերությունների մասնակցությամբ միջոցառում

Դեկտեմբերի 14-16-ը տեղի կունենա Գյումրի-Կարս երկրորդ տնտեսական ֆորումը։ Այն կազմակերպել է Գյումրիի զարգացման հիմնադրամը, որն անցկացվելու է ԱՄՆ Միջազգային զարգացման գործակալության աջակցությամբ իրականացվող` «Աջակցություն Հայաստան-Թուրքիա հարաբերությունների բարելավմանը» ծրագրի ֆինանսավորմամբ:

Միջոցառմանը մասնակցելու են 30 հայկական, թուրքական ընկերություններ և անհատներ՝ գինեգործներ, պանրագործներ, մեղվապահներ, մսի և կաթի արտադրության ոլորտի, զբոսաշրջության և ռեստորանային գործի և քարի մշակման մասնագետներ: