ԱՄՆ-ի ամենահարուստ մարդը` ըստ Forbes-ի

Չորեքշաբթի հրապարակված Forbes պարբերականի տարբերակի համաձայն՝ ԱՄՆ-ի ամենահարուստ մարդկանց ցուցակը խոշոր անակնկալով չզարմացրեց նրանց, ովքեր սիրում են հաշվել ուրիշի փողերը։ Առաջատարների եռյակում անցյալ տարվանից բան չի փոխվել։ Ցուցակը դեռևս գլխավորում է Բիլ Գեյթսը, հայտնում է Forbes-ը:

Վերջին տարվա ընթացքում 56-ամյա Գեյթսը, «Microsoft» ընկերության համահիմնադիրներից մեկը, հարստացել է 7 միլիարդ դոլարով. Այժմ նրա կարողությունը կազմում է 66 միլիարդ:

Վարկանիշի երկրորդ հորիզոնականը զբաղեցնում է 82-ամյա ներդրող Ուորեն Բաֆեթը, ով ևս հարստացել է 7միլիարդով: Այսպիսով, ամերիկյան ներդրումային «Berkshire Hathaway Inc.» ընկերության տնօրենի կարողությունը կազմում է 46 միլիարդ դոլար:

«Oracle» ընկերության հիմնադիրն ու տնօրենը' 68-ամյա Լարի Էլիսոնը գերազանցել է Գեյթսին և Բաֆեթին կուտակումների արագությամբ: Նրա կարողությունն է 41 մլրդ դոլար, այն աճել է 9 մլրդով: