Չորացնում են մարդկանց հողերը, որ Մեղրու միջանցք բացեն․ բողոքի ակցիա Շվանիձորում

Մեղրու Ալվանք, Շվանիձոր, Նռնաձոր բնակավայրում գյուղացիները  բողոքի ակցիա են իրականացրել։ 

Նրանք պահանջում են իրենց ոռոգման ջուր տրամադրել, ասում են, որ 20 օր է, ինչ ոռոգման ջուր չի տրամադրվել այս համայնքներին։ 
«Սյունիք» ՋՕԸ պետը հավաքվածներին վստահեցրեց, որ մարդիկ արդեն հուլիսի 11-ին ջուր կունենան, իսկ հավաքվածները խոստացան՝ ջուր չունենալու դեպքում միջպետական մայրուղին կփակեն։
«Հովհաննիսյան Ալիկի հողերը օվկիանոսի մեջ լող է տալիս, իսկ մարդիկ, որոնք էս քարերի տակ, ոչ թե ապրում այլ գոյատեւում են, իրենց մի բուռ հողով, որով կերակրում են իրենց երեխաներին, էդ հողերը Հովհաննիսյան Ալիկի հրամանով չորացնում են, դա էն հրամանն է, որ Մեղրու միջանցքը պետք է բացվի: Մեղրու միջանցքն են ուզում բացեն, այսինքն ամենահեշտ ձեւն է, չորացնեն մարդկանց հողերը, գյուղացին արագ-արագ գնա եւ իրենք այս տարածքը հանձնեն Թուրքիային»,-ասաց բողոքի ակցիայի մասնակիցներից մեկը:

Մանրամասները` Զանգեզուր TV–ի ռեպորտաժում: