The Guardian. Ռոմնիին բացահայտ աջակցելը կարող է կործանարար լինել Իսրայելի համար

Քաղաքական հեռուստագովազդը՝ «Աշխարհին անհրաժեշտ է ամերիկյան ուժ, այլ ոչ թե ներողություն» լոզունգով, որին իր մասնակցությունն է ունեցել նաև Իսրայելի վարչապետ Բինիամին Նետանյահուն, կարող է առաջ քաշել իր դեմ մեղադրանք ԱՄՆ-ի ընտրություններին միջամտելու համար. գրում է The Guardian-ը։

«Հանրության մեջ գնալով աճում է անհանգստությունը, որ Նետանյահուն չափից դուրս մեծ աջակցություն է ցույց տալիս Ռոմնիին, նույն ժամանակ Բարաք Օբամայի հետ հարաբերություններում աճում է թշնամությունը։ Որոշները պնդում են, որ Նետանյահուն չափից շատ է հավատում Ռոմնիի հաղթանակին նոյեմբերի 6-ին կայանալիք ընտրություններում, և Օբամայի վերընտրման դեպքում դրա հետևանքները կլինեն կործանարար ոչ միայն վարչապետի, այլ նաև Իսրայելի համար». գրում է Շարիետ Շերվուդը The Guardian–ի համար։

Այդ ընթացքում Մարկ Ռեգեվը՝ Նետանյահուի ներկայացուցիչը ասել է, որ գովազդը «մեզ հետ համաձայնեցված չի եղել, մեզ հետ չեն խորհրդակցել և ոչ մեկ մեզանից թույլտվություն չի հարցրել»։

The Jerusalem Post–ին տված հարցազրույցում նախորդ շաբաթ Իսրայելի վարչապետը հերքել է ընտրություններին միջամտելու մասին մեղադրանքը՝ անվանելով դրանք «բացարձակ անհիմն»։

Հիշեցնենք, որ միջազգային ԶԼՄ-ները, հղում կատարելով իսրայելական աղբյուրներին, որ ԱՄՆ-ի նախագահ Բարակ Օբաման հրաժարվել է հանդիպել Իսրայելի վարչապետ Բենիամին Նատանյահուի հետ Իրանի հարցում ունեցած անհամաձայնությունների պատճառով։ Հետագայում Սպիտակ տունը հայտարարել է, որ Օբաման չի հանդիպի Իսրայելի վարչապետ Բենիամին Նետանյահուի հետ ոչ թե Իրանի հարցում անհամաձայնությունների պատճառով, այլ զբաղվածության պատճառով։