Կինն ամուսնացել է եղբոր սպանության համար դատապարտվածի հետ

Ամերիկյան Օհայո նահանգի բնակչուհին ամուսնացել է 1980-ականներին խորթ եղբոր սպանության համար դատապարտված տղամարդու հետ: Այս մասին հայտնում է New York Post-ը:

Ջոն Թիջենը, ով այժմ 57 տարեկան է, 1980-ականներին Բրայան Մաքգարիի հարևանն էր: 1987-ին Մաքգարիին մահացած էին գտել իր բնակարանում՝ դանակահարված և գլխի հատվածում մահացու հրազենային վնասվածքով:

Հարցաքննվելուց հետո Թիջենը հայտարարել է, որ ինքնապաշտպանության նպատակով է կրակել ու սպանել հարևանին: Տղամարդն ի վերջո կալանավորվել է:

Ավելի ուշ սպանվածի քույրը՝ Քրիսթալ Սթրաուսը, նամակ է գրել դատապարտյալին, որում նշել է, որ ներում է նրան եղբորը սպանելու համար: Պատասխան նամակում Թիջենը նշել է, որ ինքը չի արել դա: «Ես նույնպես հավատում եմ Աստծուն, և ես չեմ արել դա», - շեշտել է նա: Այդ ժամանակից ի վեր զույգը նամակագրական հարաբերություններ է հաստատել:

2020 թվականին Թիջենը հեռախոսազրույցի ժամանակ ամուսնության առաջարկություն է արել Սթրաուսին: Այդ ժամանակ նրանք դեռ չգիտեին, թե նա երբևէ ազատ կարձակվի բանտից, թե ոչ:

Թիջենին ազատ են արձակել հուլիսին այն բանից հետո, երբ որոշում կայացվեց գործը վերաբացել՝ բազմաթիվ լուսանկարների և ոստիկանության կողմից չգրանցված զեկույցների հիման վրա: Դեռևս հայտնի չէ, թե արդյոք մեղադրանքները կհեռացվեն:

Կայահոգայի շրջանի դատախազությունը կարծում է, որ Թիջենի մեղադրական եզրակացության համար դեռ կան հիմնավոր պատճառներ: Կան ապացույցներ, որ ամբաստանյալը խնդրել է ընկերոջն ազատվել զենքից, որով սպանել է Մաքգարիին:

Հարսանիքը տեղի է ունեցել այն ժամանակ, երբ տղամարդը գտնվել է տնային կալանքի տակ՝ մինչեւ գործի վերանայումը: «Անկասկած դժվար կլինի, բայց մենք կհաղթահարենք սա», - ասել է Սթրաուսը:

Այս թեմայով Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար) Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ) Բրեդլի Կուպերը նախընտրում է տանը «միանգամայն մերկ» շրջել