ՌԴ ՆԳՆ-ն 50 տարով արգելել է Բելառուսում Ադրբեջանի նախկին դեսպանի մուտքը Ռուսաստանի Դաշնություն
Ադրբեջան
Ռուսաստանի Դաշնության ներքին գործերի նախարարությունը որոշում է կայացրել արգելել Բելառուսում, Մոլդովայում և Պակիստանում Ադրբեջանի նախկին դեսպան Իսֆանդիար Վահաբզադեի մուտքը Ռուսաստանի տարածք՝ ռուս ժողովրդի մասին արտահայտությունից հետո: Այս մասին ՏԱՍՍ-ին հայտնել են Ռուսաստանի ՆԳՆ մամուլի կենտրոնից:
Ավելի վաղ Պետդումայի փոխխոսնակ Պյոտր Տոլստոյը հայտնել էր, որ Վահաբզադեն տեսախցիկի առաջ ռուսներին խոզեր է անվանել:
«Այսօր <...> որոշվել է 50 տարի ժամկետով ՌԴ մուտք գործելու թույլտվություն չտրամադրել Ղազախստանի Հանրապետության քաղաքացի Կուաթ Ահմետովին և Ադրբեջանի Հանրապետության քաղաքացի Իսֆանդիար Վագաբզադեին, ովքեր համացանցում հանդես են եկել հրապարակային հայտարարություններով՝ հրահրելով ազգամիջյան ատելություն»,- ասել են նախարարությունից:
Հիշեցնենք, որ համացանցում տեսանյութ էր տարածվել, թե ինչպես ադրբեջանցի դիվանագետ, Բելառուսում, Մոլդովայում ու Պակիստանում Ադրբեջանի նախկին արտակարգ ու լիազոր դեսպան Իսֆանդիար Վահաբզադեն վիրավորում է ռուս քաղաքական գործիչ Վլադիմիր Ժիրինովկսուն ու ռուս ժողովրդին՝ նրանց անվանելով «խոզեր»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
