«Միգրացիոն ճգնաժամ»․ Թուրքիայում սիրիացի փախստականների վրա հարձակման կասկածանքով՝ 76 մարդ է ձերբակալվել (տեսանյութ)

Թուրքիայում ոստիկանությունը ձերբակալել է 76 մարդու, ովքեր կասկածվում են մայրաքաղաք Անկարայում տեղի ունեցած ջարդերին և սիրիացիների վրա հարձակումներին մասնակցելու մեջ, հայտնում է ABC֊ն:  Օգոստոսի 11-ի՝ լույս 12-ի գիշերը հարյուրավոր մարդիկ ջարդել են խանութները, տների պատուհանները և բացականչել հակասիրիական կարգախոսներ:

Քաղաքային իշխանությունները ուժեղացրել են ոստիկանության ջոկատները՝ իրավիճակը կայունացնելու համար: Թուրքական սոցիալական ցանցերում տեղեկություններ են հայտնվել, որ որոշ սիրիացիներ ավտոբուսներով տարհանվել են տարածքից:

ՄԱԿ-ի տվյալներով՝ Թուրքիան ընդունել է աշխարհում ամենամեծ թվով փախստականներին: Այժմ այնտեղ կա Սիրիայից ավելի քան երեք միլիոն փախստական: