Ալիևը պահանջում է, որ Ռուսաստանը դադարեցնի զինել Հայաստանին
ԱդրբեջանԱդրբեջանի նախագահ Իլհամ Ալիևը հայտարարել է, թե Բաքուն ակնկալում է, որ Մոսկվան կկատարի Ղարաբաղի վերաբերյալ եռակողմ հայտարարության բոլոր կետերը, ինչպես նաև ակնկալում է, որ Ռուսաստանը կդադարի զինել Հայաստանին:
«Մենք դա դեռ չենք տեսնում»,- Ալիևի խոսքը մեջբերում է «Интерфакс Азербаджан»-ը:
Արբեջանի ղեկավարն ասել է, որ «Բաքուն մտահոգված է Երևանին զինելու Մոսկվայի ծրագրերով»: Նրա խոսքով՝ Ադրբեջանը կարծում է, որ դրա կարիքը չկա:
«30 տարի շարունակ Ռուսաստանը Հայաստանին անվճար տրամադրել է միլիարդավոր դոլարների զենք: Այժմ դրանցից որոշները գտնվում են Բաքվի «ռազմական ավարի պուրակում»»,- ասել է նա:
Ալիեւը հույս է հայտնել, որ «Ռուսաստանը կշարունակի ջանքեր գործադրել տարածաշրջանում անվտանգության ապահովման համար»: