«Տարին կարելի է ավարտված համարել, եթե նախագահը հրաժարական չտա». Բագրատ Ասատրյան
Տնտեսություն
1994--98 թթ. ԿԲ նախագահ Բագրատ Ասատրյանն այսօր հայտարարեց, որ տնտեսական տարին ամփոփվում է բազմաթիվ հարցականներով։
«Թեև վերջին եռամսյակը դեռևս ամփոփված չէ, բայց հոկտեմբերի տվյալներով տնտեսության բոլոր ճյուղերում անկում ենք ունեցել։ Բազմաթիվ հարցականներ կան, որոնց վերաբերյալ որևէ բացատրություն չի տրվել իշխանությունների կողմից»,-ասաց նա։
Ասատրյանը նաև նշեց, որ իր դիտարկումները ցույց են տալիս, որ տարվա վերջին եռամսյակը սովորաբար բնորոշում է հաջորդ տարվա ընթացքը։
Նա նաև հայտարարեց, որ տարին կարելի է ավարտված համարել, եթե նախագահը հրաժարական չտա, ինչը շատ պատեհ կլինի, քանի որ ոչ մի նախընտրական խոստում չի կատարվել։ Ասատրյանը նաև ասաց, որ դեռ շատ է խոսվելու մարտի մեկի մասին։
Տնտեսական բոլոր ոլորտներում անկումը, քաղաքական և տնտեսական ճգնաժամը կարծես այնքան էլ չէին անհանգստացնում ասուլիսի մյուս բանախոսին՝ ՀՀԿ-ական պատգամավոր Մանվել Բադեյանին։ Նա ասաց, որ ոչ մի երկրում էլ այս տարիներին տնտեսական ցուցանիշներն ավելի բարձր չեն, քան նախաճգնաժամային տարիներին, և բնական է, որ Հայաստանում ևս տնտեսական որոշակի անկում կա։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
