Փաստաբանական համայնքը ասեց իր խոսքը․ Սիմոն Բաբայան

Փաստաբանների պալատի նորընտիր նախագահ Սիմոն Բաբայանը հայտարարություն է տարածել, որում նշվում է․

«Հարգելի գործընկերներ,

Շնորհակալ եմ վստահության համար:

Ձեր կողմից ընտրվեց ինստիտուտի ձեռքբերումները պահպանելու և այն զարգացնելու ուղին: Փաստաբանական համայնքը ասեց իր խոսքը՝ ապացուցելով, որ ղեկավարվում է անկախության և ինքնակառավարման սկզբունքներով:

Գործադրելու եմ ողջ կարողություններս, որպեսզի լուծում ստանան ուրվագծած խնդիրները:

Փաստաբանական ինստիտուտի զարգացման գրավականը՝ անկախությունն ու միասնականությունն է»,-գրել է նա:

Հիշեցնենք, որ սեպտեմբերի 12-ին Փաստաբանների պալատում տեղի է ունեցել պալատի նախագահի ընտրությունը:

Քվեարկությանը մասնակցել է 1111 փաստաբան:

Քվեարկության արդյունքներով Սիմոն Բաբայանի օգտին քվեարկել է 937 փաստաբան, իսկ Գևորգ Գյոզալյանի օգտին՝ 144 փաստաբան: 30 քվեաթերթիկ ճանաչվել է անվավեր:

ՀՀ փաստաբանների պալատի հաշվիչ հանձնաժողովի 12.09.2021թ. որոշմամբ՝ չորս տարի ժամկետով Սիմոն Ալբերտի Բաբայանը համարվել է ընտրված ՀՀ փաստաբանների պալատի նախագահի պաշտոնում՝ 1111 փաստաբանների 937 կողմ ձայներով (84,3%):

ՀՀ փաստաբանների պալատի նոր նախագահի լիազորություններն սկսվելու են 2021 թվականի հոկտեմբերի 5-ից: