Չարիքն առայժմ անլուծելի է

Ժամկետն անց սննդամթերք, սննդամթերք, որի վրա բացակայում է ժամկետների առկայությունը կամ ել, որքանո՞վ են այդ ժամկետները համապատսխանում իրականությանը:

Հազարավոր քաղաքացիներին անհանգստացնող և կարծես մշտական լուծում չստացող խնդիր: Այս հարցի շուրջ պարզաբանումներ փորձեցինք ստանալ Սպառողների միության նախագահ Արմեն Պողոսյանից, ով ասաց. «Այդ հարցով մենք զբաղվում ենք տարիներ շարունակ: Այդ ժամկետները և ինֆորմացիան օրենքի սահմանված կարգով պետք է գրվի ապրանքանիշի վրա և դրանց թերությունները 95%-ից տարիների ընթացքում իջել է 65%-ի, իսկ այժմ այն դարձել է 35 տոկոս: Զգալի տեղաշարժ կա, սակայն այն շատ հեռու է բավարար լինելուց:  Հիմնական թերությունը այն է, որ չեն փաքցնում, և դա դեռ չարյաց փոքրագույնն է, իսկ ավելի մեծ չարիքը նա է, որ կա և չի կարդացվում: Շատ վատ է տպված, անընթեռնելի է, մանր տառերով է: Այդ չարիքը առայժմ անլուծելի է: Իսկ կան նաև դեպքեր, որ ուրիշ ինֆորմացիա են տպագրում: Ու չես էլ կարող իրական ժամկետը իմանալ: Այդ փաքցնելու պրակտիկան արդեն օրենքվ արգելված է, և արդեն հունվարի մեկից սկսվելու է պատժամիջոց կիրառվելը: Եթե պիտակի վրա ինֆորմացիան ծածկված է ուրիշ ինչ որ բանով, դա արդեն պատժելի արարք է: Կան հայկական ընկերություններ, որոնց ապրանքանիշների վրա այդ երկու գրառումների մոտ բաց տեղ է լինում, որտեղ թվերը պարզ երևում են, իսկ առավել արագ փչացող մթերքները` թթվասեր, կաթ, այնպես են գրում, որ այդ տառերը ու թվերը կորում են»: