Ադրբեջանում կրկին իրանամետ աստվածաբան է ձերբակալվել

Ադրբեջանի Պետական ​​անվտանգության ծառայության (ՊԱԾ) աշխատակիցները ձերբակալել են Հաջի Ջավադ մզկիթի նախկին ախունդ, իրանամետ աստվածաբան Ախլիման Ռուստամովին:

Ինչպես հաղորդում են ադրբեջանական կայքերը` տղամարդուն բերման են ենթարկել իր տանը: 

Նշվում է, որ բնակարանում խուզարկություն է կատարվել, առգրավվել է կրոնական գրականություն։ Աստվածաբանի ընտանիքին չեն բացատրել ձերբակալման պատճառը։

Նշենք, որ Ադրբեջանում վերջին օրերին մի քանի իրանամետ աստվածաբաններ են բերման ենթարկվել։ Սակայն նրանցից միայն մեկին՝ Սարդար Բաբաեւին է պաշտոնապես մեղադրանք առաջադրվել։ Նա մեղադրվում է պետական ​​դավաճանության մեջ: