18-20 տարեկան երեխաները չպետք է վատ հանդերձանքով, առանց զենքի կանգնեն բաց երկնքի տակ, իրենք թնդանոթի միս չեն. ցուցարար (տեսանյութ)
ՏեսանյութերԽաղաղության դարաշրջան են հայտարարե՞լ, ապա այս պահից թող ի կատար ածեն իրենց հայտարարությունը: Այս մասին այսօր՝ հունվարի 13-ին, լրագրողների հետ զրույցում ասաց կառավարության շենքի դիմաց բողոքի ակցիա իրականացնող քաղաքացիներից մեկը. նրանք իշխանությունից պահանջում են ապահովել երկրի և բնակչության անվտանգությունը:
«Այսօր 18-20 տարեկան երեխաները չպետք է գնան անպաշտպան, վատ հանդերձանքով, առանց զենքի կանգնեն բաց երկնքի տակ, իրենք թնդանոթի միս չեն: Ես պահանջում եմ կանգնեցնել այն խատառակությունը, ինչը հիմա է կատարվում: Մեր կառավարությունը ի վիճակի չէ բանակային ռեֆորմներ իրականացնելու, հետևաբար թո՛ղ հեռանան, իրենք չեն կարողանում որևէ հարց լուծել»,- ասաց բողոքի ակցիա իրականացնողը:
Նա նշեց, որ իշխանական թևի բոլոր թեզերը կեղծ են եղել. «Նիկոլ Փաշինյանի սեփական կետից սկսելը եղել է վախկոտությունը, անողնաշարությունը, անմտությունը, անկարողությունը, ինչպես նաև մեր երկրի խայտառակությունը ամբողջ աշխարհի առջև: Նրանք գլուխ գովեցին, որ 2 օրում կարողացան աշխատեցնել ՀԱՊԿ համակարգը, բա թո՛ղ հիմա էլ աշխատեցնեն, ես միայն կծափահարեմ»,-նշեց ցուցարար Շողեր Մաթևոսյանը:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
