Խոշոր ավտովթար` Երևանում. բախվել են Mercedes G55-ն ու Mercedes B180-ը

Փետրվարի 16-ին խոշոր ավտովթար է տեղի ունեցել Երևանում:

Ժամը 21:00-ի սահմաններում Արին Բերդի փողոցում՝ «Կռուգ» հացատան դիմաց, բախվել են Mercedes G55 մակնիշի  80 ՏR 100 համարանիշի և Mercedes  B180 մակնիշի 28 RT 288 համարանիշի ավտոմեքենաները:

Ինչպես հայտնում է Shamshyan.com-ը, օպերատիվորեն  ժամանել են ՀՀ ոստիկանության պարեկային ծառայության Երևանի գնդի 4-րդ գումարտակի 2-րդ վաշտի պարեկները՝ գումարտակի հրամանատար Արմեն Գասպարյանի, գումարտակի հրամանատարի տեղակալ Կարեն Ավետիսյանի գլխավորությամբ:

Մինչ պարեկների ժամանումը,  «յաշիկի» վրայից համարանիշները հանել էին, սակայն  գումարտակի հրամանատարի և տեղակալի հորդորով՝ համարները տեղադրեցին մեքենայի վրա:

Տեղում վարորդներից մեկի ինքնազգացողությունը վատացավ և մինչ շտապօգնությունը կժամաներ, պարեկներ Տիգրան Բաղդասարյանն ու Էմիլ Նուրիջանյանը  գումարտակի հրամանատարի տեղակալի հետ իրենց ծառայողական ավտոմեքենայից դուրս բերեցին  դեղատուփը և սկսեցին օգնություն ցուցաբերել վարորդին:

Օպերատիվորեն ժամանած Երևանի  103 շտապօգնության բժիշկների հերթապահ խումբը նախ տեղում օգնություն ցուցաբերեցին վարորդին, պարանոցի հատվածում տեղադրեցին  ֆիքսատոր, ապա պարեկների օգնությամբ պատգարակով նրան  մոտեցրեցին շտապօգնության ավտոմեքենային և բժիշկերը տեղափոխեցին  «Էրեբունի» բժշկական կենտրոն:

Մանրամասները` սկզբնաղբյուր կայքում: