Իլոն Մասկը Կանադայի վարչապետին համեմատել է Հիտլերի հետ
ԺամանցԱմերիկյան հրեական կոմիտեն գործարար Իլոն Մասկից պահանջել է անհապաղ ներողություն խնդրել, ով Կանադայի վարչապետ Ջասթին Թրյուդոյին համեմատել է Երրորդ Ռայխի ֆյուրեր Ադոլֆ Հիտլերի հետ։ Այս մասին գրում է Reuters-ը։
Հստակեցվում է, որ ավելի վաղ Մասկը Twitter-ի իր միկրոբլոգում հրապարակել էր Հիտլերի լուսանկարը՝ «Դադարեցրե՛ք ինձ համեմատել Ջասթին Թրյուդոյի հետ» մակագրությամբ: Ենթադրվում է, որ այդ կերպ միլիարդատերը ցանկացել է աջակցել կանադացի բեռնատարների վարորդներներին և դատապարտել Թրյուդոյի կառավարության վարած քաղաքականությունը։ Հաղորդագրությունը ձեռնարկատիրոջ աքաունթում հայտնվել է փետրվարի 16-ին։
Սակայն փետրվարի 17-ի կեսօրին Մասկը ջնջել է թվիթն՝ առանց բացատրության։ Հրապարակված մեմն առաջացրել է օգտատերերի հակասական արձագանքը և հրեական կազմակերպությունների սուր քննադատությունը։ Մասկի թվիթին արձագանքել է նաև Կանադայի նորարարության, գիտության և արդյունաբերության նախարար Ֆրանսուա-Ֆիլիպ Շամպայնը։ Նա համեմատությունն անվանել է «անկեղծ ցնցող»։ «Թույլ տվեք հիշեցնել ձեզ, թե ինչ են ներկայացնում Կանադան և կանադացիները: Կանադացիները գնահատում են կայունությունը, կանխատեսելիությունը և հարգանքը օրենքի գերակայության նկատմամբ: Մենք միշտ պաշտպանելու ենք այս արժեքները»,- գրել է նա Twitter-ի իր միկրոբլոգում։
Ինքը՝ միլիարդատերը, չի մեկնաբանել սկանդալը, սակայն իր աքաունթում գրել է. «Ատելության պատճառներն ավելի լավ են հիշվում, քան սիրելու պատճառները»։