ՀՀԿ Կոտայքի մարզային տնտեսական կոնֆերանս

Հայաստանի Հանրապետական կուսակցության Կոտայքի տարածքային կազմակերպության նախաձեռնությամբ մարզկենտրոն Հրազդան քաղաքում տեղի է ունեցել մարզային տնտեսական կոնֆերանս, որին մասնակցել են ՀՀԿ Հրազդանի, Աբովյանի, Չարենցավանի, Եղվարդի ու Նոր Հաճընի շրջանային կազմակերպությունների ներկայացուցչական պատվիրակությունները:

Մարզային տնտեսական կոնֆերանսի ընթացքում ներկայացվել են Հայաստանի Հանրապետության նախագահ, ՀՀԿ նախագահ Ս. Սարգսյանի նախընտրական և ՀՀ Կառավարության գործունեության ծրագրերի շրջանակներում 2008-2011 թվականների ընթացքում Հայաստանի Հանրապետությունում իրականացվող տնտեսական քաղաքականության արդյունքում մարզային տարբեր ենթակառուցվածքներում իրականացված բարեփոխումային ծրագրերի ընթացքն ու այդ ամենի կիրառման արդյունքում հասարակական տարբեր բնագավառներում իրականացվող գործընթացներին հաղորդված արդյունավետության հիմնական դրսևորումները:

Մարզային տնտեսական համաժողովի ընթացքում ունեցած իր ելույթում ՀՀԿ Կոտայքի տարածքային կազմակերպության նախագահ, ՀՀ Կոտայքի մարզպետ Կ. Շահգալդյանը նշել է՝ «Մենք այսօր վստահաբար ենք փաստում, որ 2008-2011 թվականների ընթացքում մեր երկրում իրականացվել են հսկայածավալ արդյունավետ աշխատանքներ, որոնք դրականորեն նպաստել են մեր երկրի առաջընթացին ու տարբեր ոլորտների շարունակական զարգացումներին»:

Համաժողովի աշխատանքներին մասնակցել է նաև ՀՀ Կառավարության աշխատակազմի Սոցիալական վարչության պետ Աստղիկ Միրզախանյանը և ներկայացրել ՀՀ Քաղաքացիական ծառայողների վճարումների համակարգում ներդրված Սոցիալական փաթեթի մանրամասները՝ անդրադարձ կատարելով Հայաստանի Հանրապետության Կառավարության տնտեսական քաղաքականության հիմնական ուղղություններին:

Մարզային տնտեսական հանձնաժողովի բանախոսներն անդրադարձել են 2008-2011 թվականների ընթացքում մարզային ենթակառուցվածքներում իրականացված պետական ծրագրերին, ինչպես նաև մարզի համայնքներում առաջնահերթ լուծում պահանջող հիմնախնդիրների բարելավման նպատակով կատարված աշխատանքներին, ինչպես նաև մանրամասներ մարզի տարբեր ենթակառուցվածքների բնականոն գործունեությանը միտված առաջնահերթ գործընթացների հիմնական ուղղություններին:

Անդրադառնալով վիճակագրությանը բանախոսները նշել են, որ 2008-2011թթ. ընթացքում Կոտայքի մարզում տարբեր ոլորտներում կատարված ներդրումների ծավալը կազմել է շուրջ 26.8 մլրդ դրամ, որից ենթակառուցվածքներում՝ 16.8 մլրդ. դրամ, քաղաքաշինության ոլորտում՝ 10.0 մլրդ. դրամ: 2011 թվականի սկզբին ՀՀ Կառավարությունը համայնքներում առկա տարաբնույթ հրատապ համարվող հիմնախնդիրների լուծման նպատակով պահուստային ֆոնդից Կոտայքի մարզին հատկացրել է 1.3 մլրդ. դրամ։ Այս գործընթացը կրում է շարունակական բնույթ և նպատակ է ունի ուղղակիորեն աջակցել մարզերի համայնքային բնակչությանը: Տարեվերջին կառավարության կողմից ևս 1.3 մլրդ. դրամ է հատկացվել մարզի համայնքների առաջնահերթ լուծում պահանջող հիմնախնդիրների լուծման նպատակով:Այնուհետև տնտեսական համաժողովի պատվիրակներին են ներկայացվել մարզի գյուղատնտեսության ոլորտի զարգացումները և բնագավառում իրականացված պետական ծրագրերը:

Մարզային տնտեսական համաժողովում քննարկվել են նաև Պետական կառավարման համակարգի հիմնական բարեփոխումներն ու մարզային գործընթացներում վերջիններիս ունեցած արդյունավետ նշանակությանը միտված հարցեր:

Օրակարգային հարցերին մաս են կազմել նաև վերջին երեք տարում մարզի սոցիալական հատվածում ՀՀ Կառավարության կողմից իրականացված առանցքային ծրագրերը և բանախոսները հանգամանորեն անդրադարձել են կրթության, առողջապահության, մշակույթի բնագավառներում կատարված աշխատանքներին և սոցիալական ապահովության ոլորտի բարեփոխումներին:

Հայաստանի Հանրապետական Կուսակցության Կոտայքի տարածքային կազմակերպության կողմից կազմակերպված մարզային տնտեսական համաժողովի պատվիրակները համաժողովի ավարտին ընդունել են բանաձև, ըստ որի նախատեսվել է համանման նախաձեռնությունները դարձնել շարունակական՝ երկրում ընթացող տնտեսական գործընթացները հասարակությանն առավել մատչելի դարձնելու նկատառումներով: